ارمەنيا پرەزيدەنتى ۆااگن حاچاتۋريان نيكول پاشينياندى قايتادان ەلدىڭ پرەمەر-ءمينيسترى قىزمەتىنە تاعايىنداۋ تۋرالى جارلىققا قول قويدى، دەپ حابارلايدى "ادىرنا" ءتىلشىسى.
بۇعان دەيىن نيكول پاشينيان كونستيتۋتسيا تالاپتارىنا سايكەس جاڭا سايلانعان پارلامەنتتىڭ جۇمىسى باستالۋىنا بايلانىستى ۇكىمەتتىڭ وتستاۆكاعا كەتكەنىن حابارلاعان. بۇل ءراسىم ەلدىڭ نەگىزگى زاڭىندا كوزدەلگەن مىندەتتى كونستيتۋتسيالىق پروتسەدۋرا بولىپ سانالادى.
وسىدان كەيىن بيلەۋشى «ازاماتتىق كەلىسىم» پارتياسى پاشينياننىڭ كانديداتۋراسىن قايتادان پرەمەر-مينيستر قىزمەتىنە ۇسىندى. پرەزيدەنت ونىڭ كانديداتۋراسىن بەكىتىپ، ءتيىستى جارلىققا قول قويدى.
7 ماۋسىمدا وتكەن پارلامەنتتىك سايلاۋدا «ازاماتتىق كەلىسىم» پارتياسى كوپشىلىك داۋىستى يەلەنىپ، جاڭا ۇكىمەتتى دەربەس جاساقتاۋ قۇقىعىنا يە بولدى. سونىڭ ناتيجەسىندە ەلدە بيلىك اۋىسقان جوق، ال بارلىق كونستيتۋتسيالىق راسىمدەر اياقتالعان سوڭ نيكول پاشينيان پرەمەر-مينيستر قىزمەتىن رەسمي تۇردە ساقتاپ قالدى.
نيكول پاشينيان ارمەنيا ۇكىمەتىن 2018 جىلدىڭ مامىر ايىنان بەرى باسقارىپ كەلەدى.
