اقمولا وبلىسىندا جول اپاتىنان 4 ادام قازا تاپتى. بۇل تۋرالى وڭىرلىك پوليتسيا ايتتى، دەپ حابارلايدى «ادىرنا» ءتىلشىسى.
قايعىلى وقيعا 12 تامىز كۇنى كوكشەتاۋ–اتباسار اۆتوجولىنىڭ 16-شاقىرىمىندا بولعان.
«الدىن الا مالىمەت بويىنشا، Mini Cooper ماركالى اۆتوكولىكتىڭ جۇرگىزۋشىسى قارسى قوزعالىس جولاعىنا شىعىپ كەتىپ، Audi ماركالى اۆتوكولىگىمەن سوقتىعىسقان. اپات سالدارىنان Audi جۇرگىزۋشىسى مەن ءۇش جولاۋشىسى وقيعا ورنىندا كوز جۇمدى. Mini Cooper اۆتوكولىگىندە بولعان تاعى ءۇش ادام ءتۇرلى جاراقاتتارمەن مەديتسينالىق مەكەمەگە جەتكىزىلدى»،– دەلىنگەن حابارلامادا.
اتالعان دەرەك بويىنشا قىلمىستىق ءىس قوزعالعان. پد مالىمەتىنشە، قارسى جولاققا شىعىپ كەتكەن Mini Cooper جۇرگىزۋشىسى ۇستالعان.
ۇقساس جاڭالىقتار
