قازاقستاننىڭ ايەلدەر اراسىنداعى جەكەلەي سىنداعى ءبىرىنشى راكەتكاسى ەلەنا رىباكينا كانادانىڭ تورونتو قالاسىندا ءوتىپ جاتقان WTA 1000 ساناتىنداعى ءتۋرنيردىڭ جارتىلاي فينالىندا جەڭىسكە جەتتى. بۇل تۋرالى قازاقستان تەننيس فەدەراتسياسى جازدى، دەپ حابارلايدى «ادىرنا» ءتىلشىسى.
الەمدىك رەيتينگتە ەكىنشى ورىندا تۇرعان جانە تۋرنيردە ەكىنشى نومىرمەن تىركەلگەن قازاقستاندىق تەننيسشى جارتىلاي فينالدا الەمنىڭ ءتورتىنشى راكەتكاسى امەريكالىق كوكو گاۋففپەن كەزدەستى. ءۇش سەتكە سوزىلعان ماتچ رىباكينانىڭ 5:7, 6:2, 6:2 ەسەبىمەن جەڭىسىمەن اياقتالدى.
تەننيسشىلەر كورتتا 2 ساعات 2 مينۋت وتكىزدى. وسى ۋاقىت ىشىندە ەلەنا بەس ەيس جاساپ، ءبىر رەت قوس قاتەلىككە جول بەردى جانە 11 برەيك-پوينتتىڭ تورتەۋىن ءساتتى پايدالاندى.
فينالدا قازاقستاندىق تەننيسشى الەمنىڭ جەتىنشى راكەتكاسى پولشالىق يگا شۆەنتەكپەن كەزدەسەدى. شۆەنتەك جارتىلاي فينالداعى كەزدەسۋىندە الەمدىك رەيتينگتە توعىزىنشى ورىندا تۇرعان ۋكراينالىق ەلينا سۆيتولينانى جەڭدى.
