يران يسلام رەسپۋبليكاسىنىڭ سىرتقى ىستەر ءمينيسترى سەيەد ابباس اراقچيدىڭ «كەلىسسوز قۇدىرەتى» اتتى كىتابى قازاق تىلىنە اۋدارىلىپ، جارىق كوردى، دەپ حابارلايدى "ادىرنا" ۇلتتىق پورتالى.
كىتاپتىڭ قازاق تىلىندەگى نۇسقاسى قازاقستانداعى يران يسلام رەسپۋبليكاسى ەلشىلىگىنىڭ قوعامدىق ديپلوماتيا ءبولىمىنىڭ باستاماسىمەن جانە قازاقستان رەسپۋبليكاسىنىڭ تەگەرانداعى ەلشىلىگىمەن ءوزارا ىنتىماقتاستىق اياسىندا دايىندالعان. ەڭبەكتى تەگەرانداعى قازاقستان ەلشىلىگى باسشىسىنىڭ ورىنباسارى بەكمۇراد حايدار قازاق تىلىنە اۋدارعان. كىتاپتىڭ قازاقشا اۋدارماسى يران يسلام رەسپۋبليكاسىنىڭ سىرتقى ىستەر مينيسترلىگىندە جارىق كوردى. ەڭبەكتە حالىقارالىق قاتىناستار، ديپلوماتيالىق كەلىسسوزدەر جانە كەلىسسوز جۇرگىزۋ تاجىريبەسىنە قاتىستى ماسەلەلەر قامتىلعان.
اۆتور – يراننىڭ قازىرگى سىرتقى ىستەر ءمينيسترى سەيەد ابباس اراقچي. ونىڭ ديپلوماتيالىق قىزمەتىندە حالىقارالىق كەلىسسوزدەر مەن سىرتقى ساياسات ماسەلەلەرى ماڭىزدى ورىن الادى.
ۇيىمداستىرۋشىلاردىڭ پىكىرىنشە، كىتاپتى قازاقستان جوعارى وقۋ ورىندارىندا ستۋدەنتتەرگە، ساياساتتانۋ سالاسىنىڭ ماماندارىنا جانە حالىقارالىق قاتىناستارعا قىزىعۋشىلىق تانىتاتىن وقىرماندارعا ۇسىنۋعا بولادى.
كىتاپتىڭ قازاق تىلىندە جارىق كورۋى قازاقستان مەن يران اراسىنداعى مادەني جانە ديپلوماتيالىق بايلانىستاردى نىعايتۋعا, سونداي-اق ەكى ەل اراسىنداعى ءوزارا تۇسىنىستىك پەن ينتەللەكتۋالدىق ىنتىماقتاستىقتى دامىتۋعا باعىتتالعان ماڭىزدى باستاما رەتىندە باعالانىپ وتىر.
