كولۋمبيالىق ءانشى شاكيرا دەمالىسىن كەيىنگە قالدىرىپ، جەر سىلكىنىسىنەن زارداپ شەككەن كيبدو قالاسىنا باردى، دەپ حابارلايدى "ادىرنا" ۇلتتىق پورتالى.
ول ايماقتاعى جاعدايمەن تانىسىپ، زارداپ شەككەن تۇرعىندارعا كومەك كورسەتۋگە نيەتتى ەكەنىن ايتتى. شاكيرا قالاعا امەريكالىق كاسىپكەر ۋوررەن باففەتتىڭ ۇلى گوۆارد باففەتپەن بىرگە بارعان. ولار تابيعي اپاتتان زارداپ شەككەن اۋدانداردى ارالاپ، گۋمانيتارلىق كومەك كورسەتۋ جانە ءوڭىردىڭ الەۋمەتتىك ينفراقۇرىلىمىن قالپىنا كەلتىرۋ ماسەلەلەرىن تالقىلادى.
ءانشى اپات سالدارىنان بۇلىنگەن چوكو تەحنولوگيالىق ۋنيۆەرسيتەتىن تولىق قالپىنا كەلتىرۋگە جانە قيراعان ءبىلىم بەرۋ نىساندارىنىڭ ورنىنا 10 جاڭا مەكتەپ سالۋعا ۋادە بەردى. بۇل ماقساتقا العاشقى 1 ميلليون دوللار كولەمىندە قاراجات تارتىلعان. ونىڭ ىشىندە Global Citizen قوزعالىسى مەن Live Nation كونتسەرتتىك پروموۋتەرى 500 مىڭ دوللاردان قارجى بولمەك.
جوبانىڭ نەگىزگى سەرىكتەستەرى رەتىندە گوۆارد باففەتتىڭ قايىرىمدىلىق قورى جانە شاكيرانىڭ ايماقتا 20 جىلدان بەرى گۋمانيتارلىق جۇمىستار جۇرگىزىپ كەلە جاتقان Pies Descalzos قورى بەلگىلەندى.
شاكيرا كانادا، جاپونيا جانە ۇلىبريتانيا ۇكىمەتتەرىنە، سونداي-اق جەكە كومپانيالار مەن حالىقارالىق قورلارعا چوكو ءوڭىرىنىڭ الەۋمەتتىك ينفراقۇرىلىمىن قالپىنا كەلتىرۋگە اتسالىسۋعا شاقىردى.
