پەرۋدىڭ ورتالىق بولىگىندە ماگنيتۋداسى 6,7 بولاتىن جەر سىلكىنىسى بولدى. بۇل تۋرالى سينحۋا اگەنتتىگى جازدى، دەپ حابارلايدى «ادىرنا» ءتىلشىسى.
جەراستى دۇمپۋلەرى 20 تامىز كۇنى گرينۆيچ ۋاقىتىمەن ساعات 18:00-دە (استانا ۋاقىتىمەن 23:00-دە – رەد.) تىركەلگەن.
الدىن الا مالىمەت بويىنشا، جەر سىلكىنىسىنىڭ ەپيتسەنترى وڭتۇستىك ەندىكتىڭ 14,74 گرادۋسى جانە باتىس بويلىقتىڭ 73,89 گرادۋسى كوورديناتتارىندا ورنالاسقان. جەر سىلكىنىسىنىڭ وشاعى 10 شاقىرىم تەرەڭدىكتە بولعان.
ەل بيلىگى مەن تابيعي اپاتتاردىڭ الدىن الۋ جونىندەگى ورگاندار زارداپ شەككەندەر نەمەسە عيماراتتارعا ەلەۋلى زاقىم كەلگەنى تۋرالى اقپارات تاراتقان جوق.
پەرۋ «تىنىق مۇحيتىنداعى وتتى بەلدەۋ» اۋماعىندا ورنالاسقاندىقتان، مۇندا سەيسميكالىق بەلسەندىلىك ءجيى بايقالادى. سوڭعى ونجىلدىقتارداعى ەڭ جويقىن جەر سىلكىنىستەرىنىڭ ءبىرى 2007 جىلى بولدى. سول كەزدە ماگنيتۋداسى 7,9 بولاتىن جەر سىلكىنىسى نەگىزىنەن يكا وڭىرىندە سەزىلىپ، 600-گە جۋىق ادامنىڭ ءومىرىن قيعان ەدى.
