Perudıŋ ortalyq bölıgınde magnitudasy 6,7 bolatyn jer sılkınısı boldy. Būl turaly Sinhua agenttıgı jazdy, dep habarlaidy «Adyrna» tılşısı.
Jerasty dümpulerı 20 tamyz künı Grinvich uaqytymen saǧat 18:00-de (Astana uaqytymen 23:00-de – red.) tırkelgen.
Aldyn ala mälımet boiynşa, jer sılkınısınıŋ episentrı oŋtüstık endıktıŋ 14,74 gradusy jäne batys boilyqtyŋ 73,89 gradusy koordinattarynda ornalasqan. Jer sılkınısınıŋ oşaǧy 10 şaqyrym tereŋdıkte bolǧan.
El bilıgı men tabiǧi apattardyŋ aldyn alu jönındegı organdar zardap şekkender nemese ǧimarattarǧa eleulı zaqym kelgenı turaly aqparat taratqan joq.
Peru «Tynyq mūhityndaǧy Otty beldeu» aumaǧynda ornalasqandyqtan, mūnda seismikalyq belsendılık jiı baiqalady. Soŋǧy onjyldyqtardaǧy eŋ joiqyn jer sılkınısterınıŋ bırı 2007 jyly boldy. Sol kezde magnitudasy 7,9 bolatyn jer sılkınısı negızınen İka öŋırınde sezılıp, 600-ge juyq adamnyŋ ömırın qiǧan edı.
