1 qyrküiekke qaraǧan tünı Auǧanstannyŋ soltüstık-şyǧysyndaǧy Konar provinsiiasynda magnitudasy 6 balldyq jer sılkınısı boldy. Onyŋ saldarynan 800-den astam adam qaza tauyp, 2,5 myŋnan astamy jaralandy, dep habarlaidy «Adyrna» tılşısı Reuters-ke sılteme jasap.
Zılzala Sokkai, Vatapur, Manogi jäne Chapa-Dara audandaryn da qamtyǧan. Agenttık mälımetınşe, būl audandarda şamamen 500 adam jaraqat alǧan.
Şeneunıkterdıŋ aituynşa, qaza tapqandar men zardap şekkenderdıŋ naqty sany älı belgısız, aldaǧy uaqytta körsetkış artuy mümkın. Qazırgı taŋda qaşyqtaǧy eldı mekendermen bailanys ornatu jūmystary jürıp jatyr.
AQŞ-tyŋ Geologiialyq qyzmetınıŋ (USGS) mälımetınşe, negızgı episentr Qūnardaǧy Djelalabad qalasynyŋ şyǧysynan 27 şaqyrym jerde ornalasqan. Jerasty dümpulerı şamamen 8 km tereŋdıkte bolǧan.
