Auǧanstandaǧy «Taliban» qozǧalysy elde elektr energiiasyn öndıru men tasymaldau jüiesın keŋeituge arnalǧan bes jyldyq jospardy bekıttı. Būl turaly qozǧalys ükımetı basşysynyŋ ekonomikalyq mäseleler jönındegı orynbasary Abdul Ǧani Baradardyŋ keŋsesı aitty, dep habarlaidy «Adyrna» tılşısı RTA.af-ǧa sılteme jasap.
Jospar būǧan deiın tälıpterdıŋ ekonomikalyq komissiiasynda maqūldanǧan bolatyn. Endı ony qozǧalystyŋ joǧarǧy jetekşısı Haibatulla Ahundzada da bekıttı. Baǧdarlama energetika salasyn damytuǧa, ekonomikalyq ösımdı qoldauǧa jäne importtyq elektr energiiasyna täueldılıktı azaituǧa baǧyttalǧan. Mälımdemede qūjattyŋ elektr quaty tapşylyǧy mäselesın jüielı türde şeşuge arnalǧany atap ötılgen.
Josparǧa jergılıktı resurstardy paidalanu arqyly elektr energiiasyn öndıretın 25 joba engızılgen. Olardyŋ qatarynda su elektr stansiialary, kün jäne jel energetikasy, sondai-aq kömır negızındegı elektr öndırısı bar. Sonymen qatar qūjatta elektr jelılerın keŋeituge arnalǧan 13 jobany aiaqtau jäne 23 jaŋa jobany ıske qosu qarastyrylǧan.
Būdan bölek, energetikalyq infraqūrylymdy damytu aiasynda 21 qosalqy stansiianyŋ qūrylysyn aiaqtau, taǧy 21 jaŋa qosalqy stansiia salu jäne elektr energiiasyn taratuǧa qatysty 34 jobany jüzege asyru josparlanǧan.
Alaida «Taliban» resmi mälımdemesınde baǧdarlamanyŋ jalpy qūny, qarjylandyru közderı, kütıletın öndırıstık quat kölemı jäne jobalardy ıske asyru kestesı turaly naqty aqparat berılmegen.
Auǧanstan älı künge deiın körşı elderden jetkızıletın elektr energiiasyna aitarlyqtai täueldı. BŪŪ Damu baǧdarlamasynyŋ mausym aiyndaǧy deregıne säikes, el tūtynatyn elektr energiiasynyŋ şamamen 80 paiyzyn importtaidy. Onyŋ 90 paiyzdan astamy Ortalyq Aziia memleketterınen, qalǧan bölıgı İrannan jetkızıledı.
Soŋǧy energetikalyq esepterge säikes, Auǧanstannyŋ ışkı öndırısı şamamen 250 MVt bolsa, import kölemı Özbekstan, Täjıkstan, Türıkmenstan jäne İrannan keletın 800 MVt-qa juyq elektr energiiasyn qūraidy.
Auǧan energetikterınıŋ baǧalauynşa, ışkı sūranysty tolyq qamtamasyz etu üşın elge 6000–7000 MVt elektr quaty qajet. Önerkäsıptık belsendılık aitarlyqtai artqan jaǧdaida būl körsetkış 10 000 MVt-qa deiın jetuı mümkın.
Soŋǧy jyldary «Taliban» bırneşe ırı energetikalyq jobany jariialaǧanymen, olardyŋ köbı älı qūrylys kezeŋınde nemese ıske asyrudyŋ bastapqy satysynda tūr. Juyrda Auǧanstannyŋ ūlttyq energetikalyq kompaniiasy jalpy josparlanǧan quaty 1820 MVt bolatyn 17 elektr öndıru jobasy boiynşa kelısımşarttarǧa qol qoiylǧanyn habarlaǧan edı. Būl jobalarda da su, kün, jel energiiasy men kömır resurstary paidalanylmaq.
