AQŞ-ta Aq üige jaqyn ornalasqan saiabaqta atys boldy, dep habarlaidy "Adyrna" ūlttyq portaly Fox News-ke sılteme jasap.
Oqiǧa kezınde ekı ūlttyq gvardiia qyzmetkerı auyr jaralanyp, auyr jaǧdaida auruhanaǧa jetkızıldı.
Polisiia şabuyldyŋ qasaqana jasalǧanyn rastady. Patrulde jürgen gvardeilerge küdıktı būryştan şyǧyp, oq atqan. Jaqyn maŋdaǧy özge qyzmetkerler baiqap, küdıktını qamauǧa alǧan.
Aldyn ala aqparatqa säikes, şabuyl jasaǧan — Auǧanstan azamaty Rahmanulla Lakanval. Ol 2021 jyly AQŞ-qa kırgen. Tergeu şabuyldy halyqaralyq terrorizm belgılerımen qarastyryp jatyr.
AQŞ ışkı qauıpsızdık ministrlıgı:
— Būl bızdıŋ bükıl halqymyzǧa qarsy qylmys boldy. Būl — adamzatqa qarsy qylmys, — dedı.
Tramp AQŞ bilıgı būrynǧy Djo Baiden äkımşılıgı kezınde Auǧanstannan elge kırgen ärbır adamdy tekseruı kerek dep mälımdep, özınıŋ aldyndaǧy prezidenttı taǧy synǧa aldy.
Şabuyldan keiın Aq üi uaqytşa jabyldy.
