بۇگىن جەتىسۋ وبلىسىنىڭ اكىمى بەيبىت يساباەۆ قازاقستان تاريحىندا تۇڭعىش رەت ءوتىپ وتىرعان قۇرىلتاي سايلاۋىندا داۋىس بەردى. ول زايىبىمەن تالدىقورعانداعى ءى. جانسۇگىروۆ اتىنداعى مادەنيەت سارايىندا ورنالاسقان №389 سايلاۋ ۋچاسكەسىنە كەلدى. ءوڭىر باسشىسى بۇل سايلاۋدىڭ ەلدىڭ الداعى ءوسىپ-وركەندەۋىندەگى ماڭىزىن اتاپ ءوتتى.
- مەن ءوزىمنىڭ قازاقستان رەسپۋبليكاسىنىڭ ازاماتى رەتىندەگى كونستيتۋتسيالىق قۇقىعىمدى پايدالانىپ، ەل تاريحىندا ءبىرىنشى رەت سايلانىپ وتىرعان قۇرىلتايدىڭ سايلاۋىنا قاتىپ، ءوز تاڭداۋىمدى جاسادىم. سول ارقىلى ەلىمىزدىڭ بولاشاعىنا، ەكونوميكالىق-الەۋمەتتىك دامۋىنا، مەملەكەتتىڭ قۋاتتىلىعى مەن تۇراقتىلىعىنا داۋىس بەردىم. جاڭادان سايلانىپ وتىرعان قۇرىلتاي قازاقستاننىڭ ءوسىپ-وركەندەۋىنە لايىقتى قىزمەت ەتەدى دەپ سەنەمىن، - دەدى ب. يساباەۆ.
اتاپ وتسەك، وبلىستاعى سايلاۋشىلاردىڭ جالپى سانى 443 220 ادام، ونىڭ 5 503-ءى العاش رەت داۋىس بەرەدى. وڭىردە 468 سايلاۋ ۋچاسكەسى بار، ولار تاڭعى ساعات 7.00-دەن باستاپ جۇمىس ىستەيدى، ونىڭ ىشىندە 428-ءى ازاماتتاردىڭ تىركەلگەن جەرى بويىنشا، 40-ى قولجەتىمدىلىگى شەكتەۋلى ۋچاسكەلەر، ونىڭ ىشىندە: اسكەري بولىمدەر، ۋاقىتشا ۇستاۋ يزولياتورلارى), ستاتسيونارلىق ەمدەۋ-پروفيلاكتيكالىق مەكەمەلەرى، ارناۋلى الەۋمەتتىك قىزمەتتەر كورسەتۋ ورتالىعى بار.
وبلىس كولەمىندە 184 ۋچاسكەدە ازاماتتاردى تىركەۋدى تەكسەرۋ بويىنشا ونلاين-سەرۆيس، 5 ۋچاسكەدە ازاماتتاردى تىركەۋ بويىنشا سەرۆيس جۇمىس ىستەۋدە.
ەرەكشە قاجەتتىلىكتەرى بار ازاماتتاردىڭ كەدەرگىسىز داۋىس بەرۋىن قامتاماسىز ەتۋگە سايلاۋ ۋچاسكەلەرىندە ەرەكشە نازار اۋدارىلدى. اتاپ ايتقاندا، تاكتيلدى كورسەتكىشتەر، پاندۋستار، كرەسلو-اربالاردى پايدالاناتىن سايلاۋشىلارعا ارنالعان ارنايى كەڭ كابينالار، برايل قارپىمەن جازىلعان ترافارەتتەر، اۋديوماتەريالدار، قۇلاققاپتار، ۇلعايتقىش اينەكتەر، سونداي-اق زاعيپ جانە ناشار كورەتىن سايلاۋشىلارعا ارنالعان باعدارلامالىق شەشىمدەر ورناتىلدى. 33 «ينۆاتاكسي» اۆتوكولىگى جۇمىلدىرىلۋدا.
سايلاۋدىڭ اشىقتىعى مەن زاڭدىلىعىن قامتاماسىز ەتۋ ءۇشىن 479 كوميسسيا جۇمىس ىستەۋدە، ونىڭ 11-ءى اۋماقتىق، 468-ءى ۋچاسكەلىك كوميسسيا. جالپى، بۇل جۇمىسقا 2 989 كوميسسيا مۇشەسى قاتىسىپ، داۋىس بەرۋ بارىسىن باقىلاپ، ۇيىمداستىرۋ ءىس-شارالارىن جۇزەگە اسىرۋدا.
بارلىق سايلاۋ ۋچاسكەلەرى ساعات 20:00-گە دەيىن جۇمىس ىستەيدى
