فوتو: جي
جەتىسۋ وبلىسىندا قاراتال وزەنىنىڭ تابيعي ارناسىن زاڭسىز وزگەرتۋ جۇمىستارى انىقتالىپ، توقتاتىلدى، دەپ حابارلايدى “ادىرنا” قازتاگ-قا سىلتەپ.
بۇل تۋرالى سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى حابارلادى.
بالقاش-الاكول باسسەيندىك سۋ ينسپەكتسياسى وبلىستىق تابيعات قورعاۋ پروكۋراتۋراسىمەن بىرلەسىپ جۇرگىزگەن تەكسەرۋ بارىسىندا وزەن ارناسىن وزگەرتۋ جۇمىستارى ۋاكىلەتتى مەملەكەتتىك ورگانمەن كەلىسىلمەي جۇرگىزىلگەنىن انىقتاعان.
زاڭ بۇزعان تۇلعالار اكىمشىلىك جاۋاپقا تارتىلدى.
سۋ رەسۋرستارىن رەتتەۋ، قورعاۋ جانە پايدالانۋ كوميتەتى توراعاسىنىڭ مىندەتىن اتقارۋشى تەمىرلان ابدىقۇلوۆتىڭ ايتۋىنشا، وزەن ارناسىن زاڭسىز وزگەرتۋ سۋ نىسانىنىڭ تابيعي گيدرولوگيالىق رەجيمىن بۇزۋى، جاعالاۋلاردىڭ شايىلۋىنا جانە جاقىن اۋماقتاردى سۋ باسۋ قاۋپىنە اكەلۋى مۇمكىن.
ۆەدومستۆو وكىلىنىڭ سوزىنشە، مۇنداي جۇمىستار قازاقستان رەسپۋبليكاسىنىڭ سۋ زاڭناماسى تالاپتارىنا قاتاڭ سايكەس جۇرگىزىلۋى كەرەك.
