Bügın Jetısu oblysynyŋ äkımı Beibıt İsabaev Qazaqstan tarihynda tūŋǧyş ret ötıp otyrǧan Qūryltai sailauynda dauys berdı. Ol zaiybymen Taldyqorǧandaǧy I. Jansügırov atyndaǧy Mädeniet saraiynda ornalasqan №389 sailau uchaskesıne keldı. Öŋır basşysy būl sailaudyŋ eldıŋ aldaǧy ösıp-örkendeuındegı maŋyzyn atap öttı.
- Men özımnıŋ Qazaqstan Respublikasynyŋ azamaty retındegı konstitusiialyq qūqyǧymdy paidalanyp, el tarihynda bırınşı ret sailanyp otyrǧan Qūryltaidyŋ sailauyna qatyp, öz taŋdauymdy jasadym. Sol arqyly elımızdıŋ bolaşaǧyna, ekonomikalyq-äleumettık damuyna, memlekettıŋ quattylyǧy men tūraqtylyǧyna dauys berdım. Jaŋadan sailanyp otyrǧan Qūryltai Qazaqstannyŋ ösıp-örkendeuıne laiyqty qyzmet etedı dep senemın, - dedı B. İsabaev.
Atap ötsek, oblystaǧy sailauşylardyŋ jalpy sany 443 220 adam, onyŋ 5 503-ı alǧaş ret dauys beredı. Öŋırde 468 sailau uchaskesı bar, olar taŋǧy saǧat 7.00-den bastap jūmys ısteidı, onyŋ ışınde 428-ı azamattardyŋ tırkelgen jerı boiynşa, 40-y qoljetımdılıgı şekteulı uchaskeler, onyŋ ışınde: äskeri bölımder, uaqytşa ūstau izoliatorlary), stasionarlyq emdeu-profilaktikalyq mekemelerı, arnauly äleumettık qyzmetter körsetu ortalyǧy bar.
Oblys kölemınde 184 uchaskede azamattardy tırkeudı tekseru boiynşa onlain-servis, 5 uchaskede azamattardy tırkeu boiynşa servis jūmys ısteude.
Erekşe qajettılıkterı bar azamattardyŋ kedergısız dauys beruın qamtamasyz etuge sailau uchaskelerınde erekşe nazar audaryldy. Atap aitqanda, taktildı körsetkışter, pandustar, kreslo-arbalardy paidalanatyn sailauşylarǧa arnalǧan arnaiy keŋ kabinalar, Brail qarpımen jazylǧan trafaretter, audiomaterialdar, qūlaqqaptar, ūlǧaitqyş äinekter, sondai-aq zaǧip jäne naşar köretın sailauşylarǧa arnalǧan baǧdarlamalyq şeşımder ornatyldy. 33 «İnvataksi» avtokölıgı jūmyldyryluda.
Sailaudyŋ aşyqtyǧy men zaŋdylyǧyn qamtamasyz etu üşın 479 komissiia jūmys ısteude, onyŋ 11-ı aumaqtyq, 468-ı uchaskelık komissiia. Jalpy, būl jūmysqa 2 989 komissiia müşesı qatysyp, dauys beru barysyn baqylap, ūiymdastyru ıs-şaralaryn jüzege asyruda.
Barlyq sailau uchaskelerı saǧat 20:00-ge deiın jūmys ısteidı
