بۇل جۇيەگە جوسپارلاۋ مەن ساتىپ الۋدان باستاپ مەديتسينالىق قىزمەتتەردى مونيتورينگىلەۋ مەن تولەۋگە دەيىنگى بارلىق نەگىزگى بيزنەس-پروتسەستەر كەزەڭ-كەزەڭمەن كوشىرىلەدى.
قازىر پلاتفورماعا تولەم فۋنكتسيونالى كوشىرىلۋدە Qalqan ارقىلى پيلوتتىق رەجيمدە جالپى سوماسى 2,9 ملرد تەڭگەگە ءۇش مەديتسينالىق ۇيىممەن ەسەپ ايىرىسۋ جۇرگىزىلدى.
باستى جاڭالىقتاردىڭ ءبىرى بولشەك اكت بولدى: ەندى تولەمدى بىرىڭعاي سۋپەراكتىنى قالىپتاستىرۋدى كۇتپەي-اق، مەديتسينالىق كومەكتىڭ جەكەلەگەن تۇرلەرى مەن قىزمەتتەر بويىنشا جۇرگىزۋگە بولادى.
مەديتسينالىق اقپاراتتىق جۇيەلەرمەن تiكەلەي ىقپالداسۋ ەنگiزiلگەنگە دەيiن دەرەكتەر قوردىڭ جۇمىس iستەپ تۇرعان جۇيەلەرiنەن Qalqan-عا ءتۇسۋiن جالعاستىرادى.
بۇدان ءارى پلاتفورما قارجىلاندىرۋدىڭ بارلىق تسيكلىن بىرىڭعاي تسيفرلىق ورتادا بىرىكتىرەدى جانە ماج-مەن تىكەلەي دەرەكتەر الماسۋدى قامتاماسىز ەتەدى.
بۇگىندە ءبىز ء«مامس 2.0» مەديتسينالىق ساقتاندىرۋ جۇيەسىنىڭ اۋقىمدى ترانسفورماتسياسىن جانە Kalgan بىرىڭعاي تسيفرلىق پلاتفورماسىنىڭ ەنگىزىلۋىن بايقاپ وتىرمىز.
وتكەن جىلداردىڭ ناتيجەلەرىن جانە مىندەتتى الەۋمەتتىك مەديتسينالىق ساقتاندىرۋ جۇيەسى ساراپشىلارىنىڭ پىكىرلەرىن ەسكەرە وتىرىپ، ء«مامس 2.0» فورماتىنداعى جۇيەنى قايتا ىسكە قوسۋ جانە Qalqan بىرىڭعاي تسيفرلىق پلاتفورماسىن ەنگىزۋ دەنساۋلىق ساقتاۋدى ودان ءارى دامىتۋدىڭ ماڭىزدى قۇرالدارى بولىپ تابىلادى دەپ ايتۋعا بولادى.
ەڭ الدىمەن، ء«مامس 2.0» مەديتسينالىق كومەكتى قارجىلاندىرۋعا كوزقاراستى وزگەرتەدى. مەديتسينالىق ۇيىمداردىڭ قارجىلىق تاۋەكەلدەرىن ەداۋىر تومەندەتۋ، تەحنيكالىق قاتەلەردى بارىنشا ازايتۋ جانە سونىڭ سالدارىنان ايىپپۇل سانكتسيالارىنىڭ كولەمىن قىسقارتۋ بولجانىپ وتىر.
Qalqan بىرىڭعاي تسيفرلىق پلاتفورماسى پاتسيەنتتەردىڭ دەرەكتەرىن اۆتوماتتاندىرىلعان تەكسەرۋدى، شوتتار مەن اكتىلەردى قالىپتاستىرۋدى، سونداي-اق تەحنيكالىق قاتەلىكتەر مەن ادام فاكتورىنىڭ اسەرىنەن قورعاۋ تەتىكتەرىن كوزدەيدى. بۇل مەديتسينا قىزمەتكەرلەرىنە اكىمشىلىك جۇكتەمەنى ازايتىپ، پاتسيەنتتەرمەن تىكەلەي جۇمىس ىستەۋ ءۇشىن كوپ ۋاقىت بوساتۋى ءتيىس.
ءمامس 2.0 جاڭا مودەلى دەرەكتەردىڭ، بولجامداۋ مەن تالداۋدىڭ نەگىزىندە باسىم وپەراتسيالىق قارجىلاندىرۋدان ستراتەگيالىق باسقارۋعا كوشۋگە باعدارلانعان. اڭگىمە مەديتسينالىق قىزمەتتەرگە اقى تولەۋ تۋرالى عانا ەمەس، سونىمەن قاتار رەسۋرستاردى كەشەندى باسقارۋ، ساپانى باقىلاۋ، دەنساۋلىق ساقتاۋ جۇيەسىنىڭ قاجەتتىلىكتەرىن بولجاۋ جانە قارجىلىق تۇراقتىلىعىن قامتاماسىز ەتۋ تۋرالى بولىپ وتىر.
نەگىزگى جاڭالىقتاردىڭ ءبىرى تسيفرلىق انتيفرود-باقىلاۋ - تىركەۋلەردى اۆتوماتتى تۇردە انىقتاۋعا، مەديتسينالىق قىزمەتتەردى قايتالاۋعا، نەگىزسىز ەمدەۋگە جاتقىزۋعا، مەديتسينالىق كومەك كولەمىن جاساندى تۇردە ۇلعايتۋعا جانە باسقا دا بۇزۋشىلىقتارعا مۇمكىندىك بەرەتىن تالدامالىق قۇرال بولادى.
جاڭا تەتىكتەردى ەنگىزۋدەن كۇتىلەتىن ەكونوميكالىق تيىمدىلىك - دەنساۋلىق ساقتاۋ جۇيەسىنىڭ ءتيىمسىز شىعىستارىن ورتا ەسەپپەن 5-10% -عا تومەندەتۋ.
ءمامس-ءتى ودان ءارى رەفورمالاۋ اشىقتىقتى ارتتىرۋعا جانە قارجىلاندىرۋ جانە مەديتسينالىق قىزمەت كورسەتۋ پروتسەستەرىنىڭ قاداعالانۋىن قامتاماسىز ەتۋگە، سونداي-اق مەديتسينا قىزمەتكەرلەرىنە اكىمشىلىك جۇكتەمەنى ازايتۋعا مۇمكىندىك بەرەدى.
ساراپشىلاردىڭ باعالاۋى بويىنشا، وسى شارالاردى ىسكە اسىرۋدىڭ جيىنتىق تيىمدىلىگى 200 ملرد استام تەڭگەنى ۇنەمدەۋگە مۇمكىندىك بەرەدى.
بوساتىلعان قاراجات دەنساۋلىق ساقتاۋ جۇيەسىن ودان ءارى دامىتۋعا، مەديتسينالىق كومەكتىڭ قولجەتىمدىلىگىن ارتتىرۋعا جانە ونىڭ ساپاسىن جەتىلدىرۋگە باعىتتالۋى مۇمكىن.
وسىلايشا، ء«مامس 2.0» - بۇل جاي عانا قارجىلاندىرۋ تەتىكتەرىن وزگەرتۋ ەمەس. بۇل نەعۇرلىم اشىق، تسيفرلىق جانە ناتيجەگە باعدارلانعان جۇيەگە كوشۋ، ونىڭ ورتاسىندا پاتسيەنت، جانە ونىڭ ساپالى مەديتسينالىق كومەك الۋعا قۇقىعى قالادى.
«الەۋمەتتىك مەديتسينالىق ساقتاندىرۋ قورى» كەاق استانا قالاسى بويىنشا فيليالىنىڭ ءباسپاسوز ورتالىعى
