27 تامىز كۇنى تاڭەرتەڭ رەسەيدىڭ ۋكرايناعا جاساعان جاپپاي سوققىسى سالدارىنان كيەۆ وبلىسىنىڭ چۋبينسكوە ەلدى مەكەنىندەگى ROSHEN كومپانياسىنىڭ ءىرى لوگيستيكالىق قويماسى تولىق قيرادى، دەپ حابارلايدى "ادىرنا".
Caliber دەرەگىنشە، ءاۋە دابىلى كەزىندە قىزمەتكەرلەردىڭ ۋاقىتىلى قاۋىپسىز جەرگە جاسىرىنۋىنىڭ ارقاسىندا زارداپ شەككەندەر جوق. وقيعا ورنىندا ۋكراينانىڭ توتەنشە جاعدايلار جونىندەگى مەملەكەتتىك قىزمەتىنىڭ بولىمشەلەرى جۇمىسىن جالعاستىرىپ جاتىر.
كومپانيا مالىمەتىنشە، بۇل ROSHEN-ءنىڭ لوگيستيكالىق نىساندارىنا جاسالعان ەكىنشى شابۋىل. اقپاندا ياگوتين قالاسىنداعى دايىن ءونىم قويماسى جويىلعان. كەزەكتى سوققى سالدارىنان دايىن ءونىمنىڭ ەداۋىر بولىگى جويىلعان.
سونداي-اق وسى شابۋىل كەزىندە «سيلپو»، Comfy, «فورا»، «اۆرورا»، «دوم يگرۋشەك» ساۋدا جەلىلەرىنىڭ جانە «بەرگەر كارگو ۋكراينا» كومپانياسىنىڭ قويمالارى زاقىمدانعان. حاركوۆ قالاسىندا جۇمىس ىستەپ تۇرعان سوڭعى «ەپيتسەنتر» گيپەرماركەتىنە دە سوققى جاسالعان.
