اتىراۋ وبلىسىندا ءبىر وتباسىنىڭ ءتورت مۇشەسىن ولتىرگەن سۇلتان سارسەماليەۆكە قاتىستى سوت ۇكىمى زاڭدى كۇشىنە ەندى، دەپ حابارلايدى "ادىرنا" ءتىلشىسى.
سوتتالۋشى ءومىر بويىنا باس بوستاندىعىنان ايىرۋ جازاسىنا قاتىستى اپەللياتسيالىق شاعىم تۇسىرمەگەن.
سارسەماليەۆ قايىناعاسىن پىشاقتاعاننان كەيىن، ونىڭ اتىنان بانك ارقىلى 4 ميلليون تەڭگە كولەمىندە تاۋارلى نەسيە راسىمدەگەن. الداعى ۋاقىتتا ول جازاسىن ءومىر بويىنا بوستاندىعىنان ايىرىلعاندارعا ارنالعان ارنايى كولونيادا وتەيدى.
سوت بۇل جاعدايعا بايلانىستى ەكىنشى دەڭگەيلى بانك پەن وبلىستىق پروكۋراتۋراعا جەكەشە قاۋلى شىعاردى. سەبەبى نەسيە بەرۋ كەزىندە ازاماتتىڭ جەكە قاتىسۋى مەن بەينەراستاۋ تالاپ ەتىلمەگەن. قازىرگى ۋاقىتتا بانك الاياقتىق جولمەن راسىمدەلگەن قارىزدى ەسەپتەن شىعاردى.
ۇقساس جاڭالىقتار
