بۇگىن، 7 قىركۇيەكتە يندونەزيانىڭ شىعىس ياۆا پروۆينتسياسىندا سەمەرۋ جانارتاۋى اتقىلادى. بۇل تۋرالى Antara اگەنتتىگى جازدى، دەپ حابارلايدى «ادىرنا» ءتىلشىسى.
جانارتاۋدىڭ اتقىلاۋى شامامەن 102 سەكۋندقا سوزىلعان. مامانداردىڭ مالىمەتىنشە، كۇل بۇلتى شىعىسقا قاراي جىلجىپ بارادى.
تۇرعىندارعا جانارتاۋدان 13 شاقىرىم راديۋستا، اسىرەسە بەسۋك كوبوكان وزەنىنىڭ بويىندا دەمالۋدان باس تارتۋ ۇسىنىلدى. ال سەمەرۋ كراتەرىنەن 5 شاقىرىم قاشىقتىقتا بولۋعا تىيىم سالىنعان. بۇل قىزعان تاۋ جىنىستارىنىڭ اتقىلاۋ قاۋپىنە بايلانىستى.
«بەسۋك كوبوكان، بەسۋك بانگ، بەسۋك كەمبار جانە بەسۋك سات وزەندەرىنىڭ ماڭىندا ەرەكشە ساقتىق تانىتۋ قاجەت. ويتكەنى بۇل وزەندەر لاحارلاردى (جانارتاۋ كۇلى، پەمزا جانە تاۋ جىنىستارىنىڭ بولشەكتەرىنەن تۇراتىن لاي اعىندارىن – رەد.) تاسىمالداۋى مۇمكىن»، – دەپ اتاپ ءوتتى ۆەدومستۆو.
بۇگىن يندونەزيانىڭ دجاكارتا قالاسىنداعى ەڭ ءىرى سۋكارنو-حاتتا اۋەجايى اناك-كراكاتاۋدىڭ اتقىلاۋىنان كەيىن تاراعان كۇلگە بايلانىستى جۇمىسىن ۋاقىتشا توقتاتتى.
ال 1 قىركۇيەكتە سۋماترا ارالىندا سينابۋنگ جانارتاۋى اتقىلاعان بولاتىن. سول كەزدە كۇل باعانى شامامەن 3,5 شاقىرىم بيىكتىككە كوتەرىلگەن.
