وقۋ-اعارتۋ ءمينيسترى جۇلدىز سۇلەيمەنوۆا اتا-انالاردى مۇعالىمدەردىڭ جەكە ۋاقىتىنا قۇرمەتپەن قاراۋعا شاقىردى، دەپ حابارلايدى "ادىرنا" ءتىلشىسى.
ونىڭ ايتۋىنشا، اتا-انالار چاتتارىنداعى نەگىزگى سۇراقتار جۇمىس ۋاقىتىندا، ياعني كەشكى ساعات 18:00-گە دەيىن قويىلۋى كەرەك.
ءمينيستردىڭ سوزىنشە، پەداگوگتاردى جۇمىستان تىس ۋاقىتتا ارتىق مازالاماۋعا قاتىستى جاڭا تالاپ ەنگىزۋ ماسەلەسى قاراستىرىلىپ جاتىر.
ء«بىزدىڭ ۇستانىمىمىز ناقتى: اتا-انالار چاتتارىندا ساعات 18:00-گە دەيىن سۇراقتار قويۋعا بولادى دەپ ەسەپتەيمىز. ال 18:00-دەن كەيىن ءار مۇعالىمنىڭ جەكە ءومىرى بار جانە ونى قۇرمەتتەۋ قاجەت. بيىل "پەداگوگ مارتەبەسى تۋرالى" زاڭعا وزگەرىستەر ەنگىزىلدى. وندا مۇعالىمنىڭ ساباق ۋاقىتىنداعى جانە ساباقتان تىس ۋاقىتتاعى مىندەتتەرى، سونداي-اق مەكتەپتەگى جانە وقۋ پروتسەسىندەگى جاۋاپكەرشىلىگى ناقتى كورسەتىلدى»، – دەدى وقۋ-اعارتۋ ءمينيسترى.
دەگەنمەن، مۇعالىمدەرگە كەشكى ساعات 18:00-دەن كەيىن قوڭىراۋ شالۋعا نەمەسە حابارلاما جازۋعا تىكەلەي تىيىم سالاتىن نورما ازىرگە زاڭدا قاراستىرىلماعان.
وقۋ-اعارتۋ مينيسترلىگىنىڭ مالىمەتىنشە، پەداگوگتەردىڭ مىندەتتەرى بيىل «پەداگوگ مارتەبەسى تۋرالى» زاڭعا ەنگىزىلگەن وزگەرىستەر ارقىلى ناقتىلانعان. ال جۇمىستان تىس ۋاقىتتا اتا-انالاردىڭ مۇعالىمدەرمەن بايلانىسۋ ءتارتىبى تاراپتاردىڭ ءوزارا كەلىسىمى ارقىلى بەلگىلەنۋى مۇمكىن.
