بىشكەك-ارەنا قۇرىلىسىنا قانشا ملن دوللار جۇمسالعانى انىقتالدى

بىشكەك قالاسىنداعى «بىشكەك-ارەنا» ستاديونىنىڭ قۇرىلىسىنا 386 ملن دوللار جۇمسالعان، دەپ حابارلايدى "ادىرنا" ۇلتتىق پورتالى.

بۇل تۋرالى قىرعىزستان پرەزيدەنتىنىڭ ءباسپاسوز حاتشىسى اسقات الاگوزوۆ جەلىدەگى .

ونىڭ ايتۋىنشا، ستاديوندى 60 ملن دوللارعا سالىندى دەگەن اقپارات شىندىققا جاناسپايدى.

الاگوزوۆتىڭ سوزىنشە، قۇرىلىس باستاپقى كەزەڭدە 30-35 مىڭ كورەرمەنگە ارنالعان قاراپايىم ستاديون رەتىندە جوسپارلانعان. سول كەزدە ونىڭ قۇنى شامامەن 60-70 ملن دوللار بولادى دەگەن بولجام ايتىلعان.

كەيىن قىرعىزستان پرەزيدەنتى سادىر جاپاروۆ جوبانى تولىق وزگەرتۋدى تاپسىرعان. جاڭا جوسپار بويىنشا ستاديون قىرعىزدىڭ ءداستۇرلى كيىز ءۇيى ۇلگىسىندە سالىنۋى كەرەك بولعان. سونىمەن قاتار كەشەن اۋماعىندا ساۋدا ورتالىقتارى، مەيرامحانالار مەن ءدامحانالار، سۋپەرماركەت، كينوتەاترلار، سپورت زالدارى جانە بالالار الاڭدارى قاراستىرىلعان.

پرەزيدەنتتىڭ تاپسىرماسى بويىنشا ستاديون بولاشاقتا مەملەكەت بيۋدجەتىنە سالماق تۇسىرمەي، تابىس اكەلەتىن نىسانعا اينالۋى ءتيىس.

وسىعان بايلانىستى باستاپقى جوبا تولىق قايتا قارالىپ، قۇرىلىس نىسانىنىڭ جالپى اۋماعى 194 248 شارشى مەترگە دەيىن ۇلعايتىلعان.

ءباسپاسوز حاتشىسىنىڭ مالىمەتىنشە، ستاديون قۇرىلىسىنىڭ ءبىر شارشى مەترىنىڭ قۇنى جوباسىنا قاراي 2 مىڭنان 15 مىڭ دوللارعا دەيىن وزگەرۋى مۇمكىن ەكەنىن اتاپ ءوتتى. ونىڭ پىكىرىنشە، كامچىبەك تاشيەۆتىڭ بۇعان دەيىن ايتقان 60-70 ملن دوللار كولەمىندەگى سوما باستاپقىدا جوسپارلانعان 30-35 مىڭ ورىندىق قاراپايىم ستاديون قۇرىلىسىنا قاتىستى بولعان.