ماسكەۋ بيلىگى قالانىڭ ءۇش اۋدانىنداعى توعىز بومبادان قورعانۋ ورىنىن كۇردەلى جوندەۋگە 39 ميلليون رۋبل (شامامەن 420 مىڭ اقش دوللارى – رەد.) ءبولدى. بۇل تۋرالى «وستوروجنو، موسكۆا» جازدى، دەپ حابارلايدى «ادىرنا» ءتىلشىسى.
جوندەۋ جۇمىستارى ازوۆسكايا، بولوتنيكوۆسكايا جانە ناگورنايا كوشەلەرىندە، سونداي-اق لەنين داڭعىلىندا ورنالاسقان نىسانداردا جۇرگىزىلمەك. جوبا اياسىندا كىرەبەرىستەر، اراقابىرعالار مەن ەسىكتەر قالپىنا كەلتىرىلىپ، ىشكى ارلەۋ جاڭارتىلادى. سونىمەن قاتار سۋمەن جابدىقتاۋ، ەلەكترمەن قامتۋ، كارىز، جەلدەتۋ جانە بايلانىس جۇيەلەرى جوندەلەدى. جۇمىستاردى 30 قاراشاعا دەيىن اياقتاۋ جوسپارلانعان.
تەندەرلەر ۋكراينا تاراپىنىڭ 2026 جىلدىڭ سوڭىنا دەيىن ماسكەۋگە وزدەرىنىڭ بالليستيكالىق زىمىراندارىن ۇشىرۋى مۇمكىن دەگەن مالىمدەمەلەرىنەن كەيىن جاريالانعان. Fire Point كومپانياسى مەن بۇرىنعى قورعانىس ءمينيسترى ميحايل فەدوروۆ 800 كەلىگە دەيىنگى جاۋىنگەرلىك جۇك كوتەرە الاتىن جانە 850 شاقىرىم قاشىقتىقتاعى نىسانداردى جويا الاتىن F-9 زىمىرانىن قولدانۋ جوسپارى تۋرالى حابارلاعان ەدى.
