تاياۋ شىعىستاعى جاعدايدىڭ شيەلەنىسۋى اياسىندا الەمدىك مۇناي باعاسى كوتەرىلدى، دەپ حابارلايدى "ادىرنا" ۇلتتىق پورتالى.
الايدا Urals ماركالى مۇناي ارزانداعان.
Oilprice.com مالىمەتىنشە، 22 قازاندا Brent ماركالى مۇنايدىڭ ءبىر باررەلى 110,50 دوللارعا دەيىن قىمباتتاعان. بۇل الدىڭعى كورسەتكىشتەن 1,68 دوللارعا نەمەسە 1,54%-عا جوعارى.
سونداي-اق WTI ماركالى مۇنايدىڭ باعاسى 1,30%-عا ءوسىپ، باررەلىنە 98,41 دوللاردى قۇرادى.
ال Urals ماركالى مۇناي كەرىسىنشە ارزاندادى. ونىڭ باعاسى 0,84 دوللارعا نەمەسە 0,80%-عا تومەندەپ، باررەلىنە 104,76 دوللار بولدى.
مۇناي باعاسىنىڭ وسۋىنە پارسى شىعاناعى ايماعىنداعى قاقتىعىستىڭ ۋشىعۋى جانە مۇناي جەتكىزىلىمىنە قاتىستى تاۋەكەلدەردىڭ كۇشەيۋى اسەر ەتىپ وتىر.
ۇقساس جاڭالىقتار
