قازاقستان رەسپۋبليكاسى ۇلتتىق وليمپيادا كوميتەتىنىڭ پرەزيدەنتى گەننادي گولوۆكين يسلام ىنتىماقتاستىعى سپورت قاۋىمداستىعىنىڭ (ISSA) ۆيتسە-پرەزيدەنتى بولىپ سايلاندى، دەپ حابارلايدى "ادىرنا".
سايلاۋ 12 قىركۇيەكتە ساۋد ارابياسىنىڭ تايف قالاسىندا ءوتىپ جاتقان ISSA-نىڭ 15-باس اسسامبلەياسى اياسىندا ءوتتى.
گەننادي گولوۆكين 2026–2029 جىلدارعا ارنالعان ISSA اتقارۋشى كوميتەتىنىڭ قۇرامىنا ازيا جانە ەۋروپا وڭىرلەرىنە جاۋاپتى ۆيتسە-پرەزيدەنت رەتىندە كىردى.
ال قاۋىمداستىق پرەزيدەنتى قىزمەتىنە ساۋد ارابياسىنىڭ سپورت ءمينيسترى، ەلدىڭ وليمپيادا جانە پاراليمپيادا كوميتەتىنىڭ باسشىسى حانزادا ابدۋلازيز بين تۋركي ءال-فەيسال قايتا سايلاندى.
ايتا كەتەيىك، گەننادي گولوۆكين 2024 جىلدىڭ اقپانىنان بەرى قازاقستان ۇلتتىق وليمپيادا كوميتەتىن باسقارىپ كەلەدى. 2025 جىلدىڭ قاراشاسىندا ول World Boxing ۇيىمىنىڭ پرەزيدەنتى بولىپ سايلانعان.
