رەسەي پرەزيدەنتى ۆلاديمير پۋتين كاسپي تەڭىزىندە قازاقستان اسكەري-تەڭىز كۇشتەرىنىڭ وقۋ-جاتتىعۋى كەزىندە بولعان قايعىلى وقيعاعا بايلانىستى مەملەكەت باسشىسى قاسىم-جومارت توقاەۆقا كوڭىل ايتتى. حات كرەملدىڭ سايتىندا جاريالانعان، دەپ حابارلايدى "ادىرنا".
"قازا تاپقان اسكەري قىزمەتشىلەردىڭ تۋعان-تۋىستارىنا شىن جۇرەكتەن كوڭىل ايتىپ، قولداۋ بىلدىرەتىنىمدى جەتكىزۋىڭىزدى سۇرايمىن. رەسەيدە ولاردىڭ قايعىسىنا ورتاقتاسادى", – دەلىنگەن حاتتا.
ەسكە سالايىق، 24 قىركۇيەكتە ماڭعىستاۋ وبلىسىندا قازاقستان قارۋلى كۇشتەرى اسكەري-تەڭىز كۇشتەرىنىڭ وقۋ-جاتتىعۋى كەزىندە 19 اسكەري قىزمەتشىنى تەڭىزگە اعىزىپ اكەتكەن. ولار كاسپي جاعالاۋىندا وقۋ-جاۋىنگەرلىك تاپسىرما ورىنداپ جاتقاندا اۋا رايى كۇرت ناشارلاپ، جەل كۇشەيگەن.
قورعانىس مينيسترلىگىنىڭ الدىن الا مالىمەتىنشە، كەم دەگەندە 12 اسكەري قىزمەتشى قازا تاپقان.
بۇعان دەيىن 25 قىركۇيەك قازاقستاندا جالپىۇلتتىق ازا تۇتۋ كۇنى بولىپ جاريالانعانى حابارلانعان.
