قر قورعانىس ءمينيسترى داۋرەن قوسانوۆ جالپىۇلتتىق ازا تۇتۋ كۇنى ۇندەۋ جاسادى، دەپ حابارلايدى "ادىرنا".
ول قازا تاپقان جاۋىنگەرلەردىڭ جاقىندارىنا كوڭىل ايتىپ، قورعانىس مينيسترلىگى جاۋاپكەرشىلىكتەن جالتارمايتىنىن اتاپ ءوتتى.
ء«بىز قازا تاپقانداردىڭ وتباسىلارىمەن تۇراقتى بايلانىستامىز جانە ولارعا بارلىق قاجەتتى كومەك پەن قولداۋ كورسەتىپ جاتىرمىز»، - دەدى ول.
قازىرگى ۋاقىتتا وقيعانىڭ بارلىق ءمان-جايى مەن سەبەپتەرى انىقتالۋدا. كىنالىلەر زاڭعا سايكەس جاۋاپقا تارتىلادى.
ەسكە سالايىق، 24 قىركۇيەكتە ماڭعىستاۋ وبلىسىندا قازاقستان قارۋلى كۇشتەرى اسكەري-تەڭىز كۇشتەرىنىڭ وقۋ-جاتتىعۋى كەزىندە 17 اسكەري قىزمەتشىنى تەڭىز اعىزىپ اكەتكەن. ولار كاسپي جاعالاۋىندا وقۋ-جاۋىنگەرلىك تاپسىرما ورىنداپ جاتقاندا اۋا رايى كۇرت ناشارلاپ، جەل كۇشەيگەن.
قورعانىس مينيسترلىگىنىڭ مالىمەتىنشە، 14 اسكەري قىزمەتشى قازا تاپقان، ۇشەۋى قۇتقارىلدى.
قايعىلى وقيعادان كەيىن 25 قىركۇيەك قازاقستاندا جالپىۇلتتىق ازا تۇتۋ كۇنى بولىپ جاريالانعان.
