ايدوس ساكەنۇلى مىرزاحمەتوۆ جايلى اقپارات وتە از. ءتىپتى تولىق ءومىربايانى دا جوق اشىق دەرەككوزدەردە. بۇل ونىڭ بۇعان دەيىن اتقارعان جۇمىسىنا تىكەلەي بايلانىستى بولسا كەرەك.
ايدوس - «وتاندىق ءونىم». ول - قر قارۋلى كۇشتەرى اسكەري اكادەمياسىنىڭ 2002 جىلعى تۇلەگى. اسكەري قىزمەتىن ۆزۆود كومانديرىنەن باستاپ، مەملەكەتتىك كۇزەت قىزمەتىندەگى باسشىلىق لاۋازىمدارعا دەيىن كوتەرىلگەن.
2024 جىلعى قاڭتاردا ارنايى وپەراتسيالار كۇشتەرىنىڭ قولباسشىسى بولىپ تاعايىندالدى. وسى قىزمەتتە ارنايى بولىمدەردىڭ جاۋىنگەرلىك دايارلىعى مەن كاسىبي دەڭگەيىن ارتتىرۋعا باعىتتالعان جۇمىستارعا جەتەكشىلىك ەتتى.
2026 جىلعى مامىردا وعان گەنەرال-مايور اسكەري اتاعى بەرىلدى. گەنەرالدىق شەن بەلگىلەرىن مەملەكەت باسشىسى جەكە ءوزى تابىستادى.
ەندى اسكەري جولىنىڭ جاڭا كەزەڭى باستالدى. ارنايى وپەراتسيالار كۇشتەرىن باسقارعان تاجىريبەلى وفيتسەر قورعانىس ءمينيسترى رەتىندە قازاقستاننىڭ بۇكىل قارۋلى كۇشتەرىنە جەتەكشىلىك ەتەدى. مەملەكەت باسشىسىنىڭ ءوزى سەنىم ارتقان ازامات قورعانىس سالاسىنداعى قوردالانعان ماسەلەلەردى وڭىنان شەشەدى دەپ سەنەيىك...
