اسكەري بورىشىن ابىرويمەن وتەگەن جۇزدەگەن جاس ەندى جوعارى ءبىلىم الۋعا مۇمكىندىك الدى. قر ءىىم ۇلتتىق ۇلانىنىڭ اسكەري قىزمەتشىلەرىنە "سارباز 2.0" باعدارلاماسى بويىنشا ءبىلىم گرانتتارىنىڭ سەرتيفيكاتتارى سالتاناتتى تۇردە تابىستالدى، دەپ حابارلايدى "ادىرنا".
مەملەكەت باستاماسىمەن جۇزەگە اسىپ جاتقان جوبا مەرزىمدى اسكەري قىزمەت وتكەرگەن جاستاردى قولداۋعا، ولاردىڭ ءبىلىم الۋىنا جاعداي جاساۋعا جانە اسكەري قىزمەتتىڭ بەدەلىن ارتتىرۋعا باعىتتالعان. باعدارلاما اياسىندا بيىل ۇلتتىق ۇلان اسكەري قىزمەتشىلەرىنە 660-تان استام ءبىلىم گرانتى بولىنگەن. ونىڭ ىشىندە ەلوردالىق اسكەري بولىمدەردىڭ 14 ساربازىنا سەرتيفيكاتتار سالتاناتتى تۇردە تابىستالدى.
ايتا كەتەرلىگى، بۇل كورسەتكىش ۇلتتىق ۇلاننىڭ ەلىمىزدەگى بارلىق كۇش قۇرىلىمدارى اراسىنداعى كوشباسشىلىق ورنىن تاعى ءبىر مارتە ايقىندادى. باعدارلاماعا قاتىسۋعا مەرزىمدى اسكەري قىزمەتتەگى ساربازداردىڭ شامامەن 60 پايىزى نيەت بىلدىرگەن. بۇل جاستاردىڭ بىلىمگە دەگەن قىزىعۋشىلىعى مەن كاسىبي دامۋعا ۇمتىلىسىنىڭ جوعارى ەكەنىن كورسەتەدى.
ول بۇل باستاما اسكەري قىزمەتىن ادال اتقارعان جاستار ءۇشىن جاڭا مۇمكىندىكتەرگە جول اشاتىنىن اتاپ ءوتتى.
