Äskeri boryşyn abyroimen ötegen jüzdegen jas endı joǧary bılım aluǧa mümkındık aldy. QR IIM Ūlttyq ūlanynyŋ äskeri qyzmetşılerıne "Sarbaz 2.0" baǧdarlamasy boiynşa bılım granttarynyŋ sertifikattary saltanatty türde tabystaldy, dep habarlaidy "Adyrna".
Memleket bastamasymen jüzege asyp jatqan joba merzımdı äskeri qyzmet ötkergen jastardy qoldauǧa, olardyŋ bılım aluyna jaǧdai jasauǧa jäne äskeri qyzmettıŋ bedelın arttyruǧa baǧyttalǧan. Baǧdarlama aiasynda biyl Ūlttyq ūlan äskeri qyzmetşılerıne 660-tan astam bılım granty bölıngen. Onyŋ ışınde elordalyq äskeri bölımderdıŋ 14 sarbazyna sertifikattar saltanatty türde tabystaldy.
Aita keterlıgı, būl körsetkış Ūlttyq ūlannyŋ elımızdegı barlyq küş qūrylymdary arasyndaǧy köşbasşylyq ornyn taǧy bır märte aiqyndady. Baǧdarlamaǧa qatysuǧa merzımdı äskeri qyzmettegı sarbazdardyŋ şamamen 60 paiyzy niet bıldırgen. Būl jastardyŋ bılımge degen qyzyǧuşylyǧy men käsıbi damuǧa ūmtylysynyŋ joǧary ekenın körsetedı.
Ol būl bastama äskeri qyzmetın adal atqarǧan jastar üşın jaŋa mümkındıkterge jol aşatynyn atap öttı.
