«Qazaqstan Paramaýnt Injınırıng» kásipornynyń bas dırektory Erbol Sálimov elimizdiń áskerı tehnıkalarmen jabdyqtalýyna kóńili tolmaıtynyn aıtty, dep habarlaıdy "Adyrna". Bul týraly jýrnalıst Nazıra Dárimbet óziniń Facebook jelisinde jazdy.
Nazıra Dárimbet óz jazbasynda «Qazaqstan Paramaýnt Injınırıng» kásipornynda ashyq esik kúni ótip, onda zaýyttyń bas dırektory Erbol Sálimovtyń otandyq áskerı tehnıkalarǵa qatysty aıtqan pikirimen bólisti.
Sálimovtyń aıtýynsha, elimiz áli kúnge deıin áskerı tehnıkany shet elden alýǵa májbúr. Qorǵanys mınıstrleri óz saısattaryn ornatyp, biri Reseıden, biri Qytaıdan tehnıka aldyrýdy buıyrsa, búginde Túrkııa eliniń tehnıkasyn alyp otyrǵanymyzdy aıtqan:
"Túrik kólikter baǵasy 60 paıyzǵa qymbat bizdikinen, júz mıllıon dollarǵa deıin barady. Bizdiń ónimniń sapasy olardan kem emes. Sonda patrıotızm qaıda qaldy, otandyq óndirýshini qoldaımyz degenderi qaıda? Nege biz shetelge ketken aqshany óz ekonomıkamyzǵa salmaımyz? Ony ishinde jumys oryndar, jalaqy, salyq bar emes pe. El abyroıyn aıtpaǵanda..." dedi ol.
Sondaı-aq, jazba avtory óz pikirin qosyp:
"Sheneýnikterdiń jasap otyrǵan baryp turǵan qastandyq emes pe? Sózben patrıot bolaıyq, Otan janashyry bolaıyq dep únemi aıtylady joǵary minberlerden, alaıda iske kelgende basqa bop shyǵady. Sol ashyq esik kúni zaýytta jastar boldy, olarǵa biz patrıotızm úlgisin kórsetý kerekpiz ǵoı" dep túrte ketti.
