«قازاقستان پاراماۋنت ينجينيرينگ» كاسىپورنىنىڭ باس ديرەكتورى ەربول ءسالىموۆ ەلىمىزدىڭ اسكەري تەحنيكالارمەن جابدىقتالۋىنا كوڭىلى تولمايتىنىن ايتتى، دەپ حابارلايدى "ادىرنا". بۇل تۋرالى جۋرناليست نازيرا دارىمبەت ءوزىنىڭ Facebook جەلىسىندە جازدى.
نازيرا دارىمبەت ءوز جازباسىندا «قازاقستان پاراماۋنت ينجينيرينگ» كاسىپورنىندا اشىق ەسىك كۇنى ءوتىپ، وندا زاۋىتتىڭ باس ديرەكتورى ەربول ءسالىموۆتىڭ وتاندىق اسكەري تەحنيكالارعا قاتىستى ايتقان پىكىرىمەن ءبولىستى.
ءسالىموۆتىڭ ايتۋىنشا، ەلىمىز ءالى كۇنگە دەيىن اسكەري تەحنيكانى شەت ەلدەن الۋعا ءماجبۇر. قورعانىس مينيسترلەرى ءوز سايساتتارىن ورناتىپ، ءبىرى رەسەيدەن، ءبىرى قىتايدان تەحنيكا الدىرۋدى بۇيىرسا، بۇگىندە تۇركيا ەلىنىڭ تەحنيكاسىن الىپ وتىرعانىمىزدى ايتقان:
"تۇرىك كولىكتەر باعاسى 60 پايىزعا قىمبات بىزدىكىنەن، ءجۇز ميلليون دوللارعا دەيىن بارادى. ءبىزدىڭ ءونىمنىڭ ساپاسى ولاردان كەم ەمەس. سوندا پاتريوتيزم قايدا قالدى، وتاندىق ءوندىرۋشىنى قولدايمىز دەگەندەرى قايدا؟ نەگە ءبىز شەتەلگە كەتكەن اقشانى ءوز ەكونوميكامىزعا سالمايمىز؟ ونى ىشىندە جۇمىس ورىندار، جالاقى، سالىق بار ەمەس پە. ەل ابىرويىن ايتپاعاندا..." دەدى ول.
سونداي-اق، جازبا اۆتورى ءوز پىكىرىن قوسىپ:
"شەنەۋنىكتەردىڭ جاساپ وتىرعان بارىپ تۇرعان قاستاندىق ەمەس پە؟ سوزبەن پاتريوت بولايىق، وتان جاناشىرى بولايىق دەپ ۇنەمى ايتىلادى جوعارى مىنبەرلەردەن، الايدا ىسكە كەلگەندە باسقا بوپ شىعادى. سول اشىق ەسىك كۇنى زاۋىتتا جاستار بولدى، ولارعا ءبىز پاتريوتيزم ۇلگىسىن كورسەتۋ كەرەكپىز عوي" دەپ تۇرتە كەتتى.
