فوتو: انادولۋ
يران بيلىگى اقش-تىڭ يراندىق اۋە كومپانيالارىنا ەنگىزگەن شەكتەۋلەرىنە بايلانىستى حالىقارالىق ازاماتتىق اۆياتسيا ۇيىمىنا (ICAO) رەسمي نارازىلىق جولدادى. بۇل تۋرالى يران ازاماتتىق اۆياتسيا ۇيىمىنىڭ باسشىسى ابۋزار شيرۋدي مالىمدەدى، دەپ حابارلايدى "ادىرنا".
ونىڭ ايتۋىنشا، تەگەران ICAO-عا جولداعان شاعىمىندا ەلدىڭ زاڭدى قۇقىقتارىن قورعاۋدى جانە اقش تاراپىنان ەنگىزىلگەن شەكتەۋلەرگە قارسىلىق ءبىلدىرۋدى كوزدەگەن.
شيرۋدي نارازىلىقتىڭ «زاڭدى قۇقىقتاردى قورعاۋ جانە زاڭسىز شەكتەۋلەرگە قارسى تۇرۋ» ماقساتىندا جىبەرىلگەنىن اتاپ ءوتتى.
بۇعان دەيىن اقش قارجى ءمينيسترى سكوتت بەسسەنت يراننىڭ اۆياتسيالىق سەكتورىنا قاتىستى جاڭا شەكتەۋلەر ەنگىزىلەتىنىن مالىمدەگەن بولاتىن. ونىڭ ايتۋىنشا، 23 قىركۇيەكتەن باستاپ يراندىق اۋە كومپانيالارىنىڭ ۇشۋىنا مۇمكىندىك بەرىلمەيدى. سونىمەن قاتار، ولارعا اۋەجايلاردا جەرۇستى قىزمەتتەرى كورسەتىلمەۋى مۇمكىن.
يران تاراپى بۇل شەكتەۋلەردى زاڭسىز دەپ ساناپ، حالىقارالىق اۆياتسيا سالاسىنداعى ءوز قۇقىقتارىن قورعاۋ ءۇشىن ICAO-عا جۇگىندى.
حالىقارالىق ازاماتتىق اۆياتسيا ۇيىمى – ازاماتتىق اۆياتسيا سالاسىنداعى حالىقارالىق ستاندارتتار مەن قاعيدالاردى ازىرلەيتىن بۇۇ-نىڭ مامانداندىرىلعان مەكەمەسى.
