ماڭعىستاۋ وبلىسىندا تاعى ءبىر اسكەري قىزمەتشىنىڭ قازا بولعانى تۋرالى اقپارات الەۋمەتتىك جەلىلەردە تارادى. الايدا اتالعان مالىمەت رەسمي تۇردە راستالمادى.
جالعان اقپاراتقا قارسى ءىس-قيمىل ورتالىعىنىڭ حابارلاۋىنشا، Facebook الەۋمەتتىك جەلىسىندە اسكەري قىزمەتشىنىڭ قازا بولعانى تۋرالى اقپاراتتى بۇرمالاپ تاراتۋ ارەكەتى تىركەلگەن.
ورتالىقتىڭ مالىمەتىنشە، قازاقستان رەسپۋبليكاسى ىشكى ىستەر مينيسترلىگى، ۇلتتىق ۇلان، شەكارا قىزمەتى جانە قورعانىس مينيسترلىگى ۇسىنعان اقپاراتتا اسكەري قىزمەتشىنىڭ قازا بولعانى تۋرالى دەرەك راستالماعان.
وسىعان بايلانىستى جالعان اقپاراتقا قارسى ءىس-قيمىل ورتالىعى الەۋمەتتىك جەلى قولدانۋشىلارىن اقپاراتتىڭ تۇپنۇسقالىعىن تەكسەرۋگە جانە رەسمي دەرەككوزدەردە جاريالانعان مالىمەتتەرگە عانا سۇيەنۋگە شاقىردى.
سونداي-اق ورتالىق رەسمي دەرەككوزگە سىلتەمەسى جوق اقپاراتتى تاراتۋعا جول بەرمەۋ قاجەتتىگىن ەسكەرتتى. دايەكسىز اقپاراتتى تاراتۋ قازاقستان رەسپۋبليكاسىنىڭ زاڭناماسىنا سايكەس قۇقىقتىق سالدارعا اكەپ سوعۋى مۇمكىن.
ازاماتتارعا الەۋمەتتىك جەلىلەردە تاراعان اقپاراتقا ساقتىقپەن قاراپ، ماڭىزدى مالىمەتتەردى ءتيىستى مەملەكەتتىك ورگانداردىڭ رەسمي رەسۋرستارىنان تەكسەرۋ ۇسىنىلادى.
