Maŋǧystau oblysynda taǧy bır äskeri qyzmetşınıŋ qaza bolǧany turaly aqparat äleumettık jelılerde tarady. Alaida atalǧan mälımet resmi türde rastalmady.
Jalǧan aqparatqa qarsy ıs-qimyl ortalyǧynyŋ habarlauynşa, Facebook äleumettık jelısınde äskeri qyzmetşınıŋ qaza bolǧany turaly aqparatty būrmalap taratu äreketı tırkelgen.
Ortalyqtyŋ mälımetınşe, Qazaqstan Respublikasy Işkı ıster ministrlıgı, Ūlttyq ūlan, Şekara qyzmetı jäne Qorǧanys ministrlıgı ūsynǧan aqparatta äskeri qyzmetşınıŋ qaza bolǧany turaly derek rastalmaǧan.
Osyǧan bailanysty Jalǧan aqparatqa qarsy ıs-qimyl ortalyǧy äleumettık jelı qoldanuşylaryn aqparattyŋ tüpnūsqalyǧyn tekseruge jäne resmi derekközderde jariialanǧan mälımetterge ǧana süienuge şaqyrdy.
Sondai-aq Ortalyq resmi derekközge sıltemesı joq aqparatty taratuǧa jol bermeu qajettıgın eskerttı. Däieksız aqparatty taratu Qazaqstan Respublikasynyŋ zaŋnamasyna säikes qūqyqtyq saldarǧa äkep soǧuy mümkın.
Azamattarǧa äleumettık jelılerde taraǧan aqparatqa saqtyqpen qarap, maŋyzdy mälımetterdı tiıstı memlekettık organdardyŋ resmi resurstarynan tekseru ūsynylady.
