گەرمانيانىڭ قورعانىس مينيسترلىگىندە قازاقستان پرەزيدەنتى قاسىم-جومارت توقاەۆتى رەسمي قارسى الۋ ءراسىمى ءوتتى، دەپ حابارلايدى “ادىرنا”.
پرەزيدەنت قاسىم-جومارت توقاەۆ پەن گەرمانيانىڭ فەدەرالدىق پرەزيدەنتى فرانك-ۆالتەر شتاينمايەر دەلەگاتسيا مۇشەلەرىن ءبىر-بىرىنە تانىستىردى.
سالتاناتتى ءراسىم بارىسىندا قۇرمەت قاراۋىلىنىڭ باستىعى راپورت بەرىپ، قازاقستان مەن گەرمانيانىڭ مەملەكەتتىك ءانۇراندارى ورىندالدى.
ءراسىم اياقتالعان سوڭ مەملەكەت باسشىلارى گەرمانيا فەدەرالدىق پرەزيدەنتىنىڭ رەزيدەنتسياسىنا اتتاندى. قاسىم-جومارت توقاەۆ قۇرمەتتى قوناقتار كىتابىنا قولتاڭبا قالدىردى.
ۇقساس جاڭالىقتار
