ۇلتتىق قاۋىپسىزدىك كوميتەتى ۋكراينا جەرىندە ۇرىسقا قاتىسقان قازاقستاندىقتارعا قاتىستى تەرگەۋ باستادى

2164
Adyrna.kz Telegram

ۇلتتىق قاۋىپسىزدىك كوميتەتى قازاقستاندىقتاردىڭ ۋكراينا جەرىندەگى سوعىسقا ارالاسۋىنا قاتىستى 10 قىلمىستىق ءىستى تەرگەپ-تەكسەرۋدى باستادى. بۇل جايلى  كازتاگ اقپارات اگەنتتىگى  ۇقك-ءنىڭ ءباسپاسوز قىزمەتىنە سىلتەمە جاساپ حابارلادى، دەپ جازدى "ادىرنا" ۇلتتىق پورتالى. 

ۇلتتىق قاۋىپسىزدىك كوميتەتى تەرگەۋ ىسىنە قاتىستى ناقتى دەرەكتەردى اشىپ ايتپادى. قازاقستاندىقتاردىڭ قاي تاراپتا بولىسىپ، قاي شەپتە ۇرىسقا قاتىسقانى جايلى ازىرگە حابارلانعان جوق.

قازاقستان رەسپۋبليكاسىنىڭ زاڭناماسىندا، ناقتىراق ايتساق، قىلمىستىق كودەكستىڭ 172-بابىندا، شەتەلدىك قاقتىعىستارعا ارالاسقان ەل ازاماتتارىن بەس جىلدان توعىز جىلعا دەيىن باس بوستاندىعىنان شەكتەۋ قاراستىرىلعان.

2022 جىلى، قىركۇيەك ايىنىڭ سوڭىندا ۆلاديمير پۋتين ارنايى زاڭعا قول قويدى. زاڭ بويىنشا رەسەي قارۋلى كۇشتەرىنىڭ قاتارىندا جانە "وزگە اسكەرلەردە" قىزمەت ەتۋ ءۇشىن كەلىسىمشارت جاساسقان شەتەلدىكتەر رەسەيدە تۇرۋ مۇمكىندىگىنە يە بولىپ، ازاماتتىعىن جەڭىل تالاپتارمەن الا الادى.

"ازاتتىق راديوسى" ۋكراينا توپىراعىندا رەسەيگە بولىسىپ ۇرىسقا ارالاسقان قازاقستاندىقتار جايلى جازعان ەدى. ولار  ۆاگنەر چۆك قاتارىندا باسقىنشىلىق سوعىستارىنا قاتىسقان. بۇقارالىق اقپارات قۇرالدارىندا قازاقستاندىقتاردىڭ ءوز ەرىكتەرىمەن سوعىسقا سۇرانىپ بارعانى دا ايتىلادى.

"ادىرنا" ۇلتتىق پورتالى 

 

پىكىرلەر