ابىشەۆ: تۇركيا مەن قىتاي قازاقستانعا اسكەرلەرىن كىرگىزۋى مۇمكىن

2554
Adyrna.kz Telegram
فوتو: اشىق دەرەككوزدەن
فوتو: اشىق دەرەككوزدەن

ساياساتانۋشى عازيز ابىشەۆ قازاقستان رەسەيمەن شەكارانى نىعايتۋ ءۇشىن قىتاي مەن تۇركيا اسكەرلەرىن كىرگىزۋى مۇمكىن دەپ ەسەپتەيدى. بۇل تۋرالى ول ءوزىنىڭ telegram-ارناسىندا جاريالادى، دەپ حابارلايدى “ادىرنا” ۇلتتىق پورتالى.

«قازىر رەسەيلىك اسكەرلەر قاربالاس، ال قازاقستاندىق اسكەرلەر ازدىق ەتەدى. مۇمكىن رەسەي فەدەراتسياسىمەن جاقسى قارىم-قاتىناستا بولعان جانە رەسەي سەنەتىن ەلدەردەن كومەك سۇرايمىز با؟ مىسالى، قىتاي مەن تۇركيا. ايتپاقشى، بيىل ولار قازاقستاننىڭ قاۋىپسىزدىگى مەن اۋماقتىق تۇتاستىعىنا بەلسەندى تۇردە كەپىلدىك بەردى. سولتۇستىك شەكارادا تۇرىكتەر مەن قىتايلاردىڭ شەكتەۋلى كونتينگەنتى شىنايى نۇسقا ما؟
ارينە، رەسەيگە كومەكتەسۋ ءۇشىن. باسقاشا قالاي بولسىن؟ ال الەم كەنەت باس قوسىپ، قازاقستاندى كومەيىنەن ۇستاپ، وتە ماڭىزدى تاڭداۋ جاساۋدى تالاپ ەتسە، تۇرىك پەن قىتايلىق ارىپتەستەر دە ارتىق بولماس.

ءيا، ستسەناري كەرەمەت. بىراق سوڭعى جىلدارى كوپتەگەن فانتاستيكالىق ستسەناريلەر ورىندالدى، سولاي ەمەس پە؟» دەلىنگەن حابارلامادا.

ەسكە سالايىق، رەسەي پرەزيدەنتى ۆلاديمير پۋتين بۇگىن، 21 قىركۇيەكتەن باستاپ جارتىلاي موبيليزاتسيا تۋرالى جاريالادى. اسكەري قىزمەتكە تەك زاپاستاعى جانە قارۋلى كۇشتەر قاتارىندا قىزمەت ەتكەن، بەلگىلى ءبىر ماماندىقتارى مەن ءتيىستى تاجىريبەسى بار ازاماتتار عانا شاقىرىلادى.

”ادىرنا” ۇلتتىق پورتالى

پىكىرلەر