Ulttyq qaýipsizdik komıteti Ýkraına jerinde urysqa qatysqan qazaqstandyqtarǵa qatysty tergeý bastady

2148
Adyrna.kz Telegram

Ulttyq qaýipsizdik komıteti qazaqstandyqtardyń Ýkraına jerindegi soǵysqa aralasýyna qatysty 10 qylmystyq isti tergep-tekserýdi bastady. Bul jaıly  KazTAG aqparat agenttigi  UQK-niń baspasóz qyzmetine silteme jasap habarlady, dep jazdy "Adyrna" ulttyq portaly. 

Ulttyq qaýipsizdik komıteti tergeý isine qatysty naqty derekterdi ashyp aıtpady. Qazaqstandyqtardyń qaı tarapta bolysyp, qaı shepte urysqa qatysqany jaıly ázirge habarlanǵan joq.

Qazaqstan Respýblıkasynyń zańnamasynda, naqtyraq aıtsaq, qylmystyq kodekstiń 172-babynda, sheteldik qaqtyǵystarǵa aralasqan el azamattaryn bes jyldan toǵyz jylǵa deıin bas bostandyǵynan shekteý qarastyrylǵan.

2022 jyly, qyrkúıek aıynyń sońynda Vladımır Pýtın arnaıy zańǵa qol qoıdy. Zań boıynsha Reseı qarýly kúshteriniń qatarynda jáne "ózge áskerlerde" qyzmet etý úshin kelisimshart jasasqan sheteldikter Reseıde turý múmkindigine ıe bolyp, azamattyǵyn jeńil talaptarmen ala alady.

"Azattyq radıosy" Ýkraına topyraǵynda Reseıge bolysyp urysqa aralasqan qazaqstandyqtar jaıly jazǵan edi. Olar  Vagner ChVK qatarynda basqynshylyq soǵystaryna qatysqan. Buqaralyq aqparat quraldarynda qazaqstandyqtardyń óz erikterimen soǵysqa suranyp barǵany da aıtylady.

"Adyrna" ulttyq portaly 

 

Pikirler