Almaty qalasynyŋ Tötenşe jaǧdailar departamentı (TJD) jer sılkınısınıŋ oşaǧy retınde İspaniiany körsetıp, tek resmi derekterge senudı sūraidy, dep habarlaidy “Adyrna” ūlttyq portaly QazTagqa sılteme jasap.
«Jer sılkınısınıŋ koordinattary s.e. boiynşa 41,22°. b.b. boiynşa 1,78°" – delıngen seisenbıge qaraǧan tünı saǧat 00.30-da Almaty qalalyq Tötenşe jaǧdailar departamentınıŋ baspasöz qyzmetı jariialanǧan habarlamada – būl habarlama qala tūrǧyndarynyŋ özı ǧalamtorda jer sılkınısı turaly jaza bastaǧannan keiın jarty saǧattai uaqyt ötken soŋ jariialandy. Habarda aitylǧandai, jer sılkınısınıŋ oşaǧy «Almatydan oŋtüstık-şyǧysqa qarai 264 şaqyrymda Qazaqstan men Qyrǧyzstan şekarasynda» ornalasqan. Naqtylanǧan mälımetter boiynşa episentrdıŋ koordinattary 41.22° s. e. 78.65° ş. b. Degenmen körsetılgen koordinattar İspaniia aumaǧyna qatysty jäne belgılengen nükte Barselonaǧa jaqyn teŋızde ornalasqan. Bır qyzyǧy, būl rette Tötenşe jaǧdailar qyzmetı tek resmi aqparatqa senuge şaqyrady. Būǧan deiın Tötenşe jaǧdailar departamentı Almaty tūrǧyndary 4 balldyq jer asty dümpulerın sezıngenın habarlaǧan. Keiın Almatydaǧy jerasty dümpulerınıŋ küşı şyn mänınde 5 ball bolǧany belgılı boldy.“Adyrna” ūlttyq portaly
Ūqsas jaŋalyqtar
