استانادا فەلدشەر ۇلدانا مىرزۋاننىڭ قازا بولۋىنا قاتىستى سوت وتىرىسى ءوتتى، دەپ حابارلايدى "ادىرنا" ءتىلشىسى.
جابىرلەنۋشى تاراپ مەنشىك يەلەرى بىرلەستىگىنىڭ (ميب) توراعاسى ساۋلە جۇبانيازوۆاعا قاتىستى قىلمىستىق ءىستى قۇرىلىس سالۋشى مەن باسقا دا تۇلعالارعا قاتىستى ىسپەن بىرىكتىرۋدى سۇرادى.
سوت جابىرلەنۋشى تاراپتىڭ ءوتىنىشىن قاناعاتتاندىرىپ، ءىستى وندىرىستەردى بىرىكتىرۋ مۇمكىندىگىن قاراۋ ءۇشىن پروكۋرورعا جولدادى.
سۋديا مەرۋەرت اباەۆا شەشىم قابىلداۋ كەزىندە عيماراتتىڭ وپىرىلۋىنا كونسترۋكتسيالىق اقاۋلار مەن قۇرىلىس تەحنولوگياسىنىڭ ساقتالماۋى سياقتى بىرنەشە فاكتور اسەر ەتۋى مۇمكىن ەكەنىن كورسەتكەن قۇرىلىس-تەحنيكالىق ساراپتاما قورىتىندىسىن ەسكەرگەن.
سوت بۇل شەشىم ساۋلە جۇبانيازوۆانىڭ نەمەسە باسقا تۇلعالاردىڭ كىناسى دالەلدەندى دەگەندى بىلدىرمەيتىنىن اتاپ ءوتتى. ميب توراعاسىنا قاتىستى ەلدى مەكەننەن شىقپاۋ تۋرالى بۇلتارتپاۋ شاراسى وزگەرىسسىز قالدى.
