استانادا قالا كوشەلەرى مەن تروتۋارلارىندا اتپەن جۇرگەن 35 جاستاعى ەر ادام اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى قالالىق پد حابارلادى.
پوليتسيانىڭ مالىمەتىنشە، ەر ادام ەلوردالىق ويىن-ساۋىق ورىندارىنىڭ بىرىنە بەينەروليك ءتۇسىرۋ كەزىندە اتپەن تروتۋارلار مەن جولدىڭ ءجۇرۋ بولىگىندە قوزعالىپ، جاياۋ جۇرگىنشىلەرگە كەدەرگى كەلتىرگەن.
سونداي-اق «بايتەرەك» مونۋمەنتىنە بارا جاتقان جولدا ات قيىلىستاردىڭ بىرىندە تروتۋاردى لاستاپ، جاسىل جەلەككە زاقىم كەلتىرگەن.
تەكسەرۋ قورىتىندىسى بويىنشا ەر ادامنىڭ ارەكەتى اباتتاندىرۋ سالاسىنداعى زاڭناما تالاپتارىن بۇزعانى انىقتالدى.
وسىعان بايلانىستى وعان قاتىستى ەكى اكىمشىلىك باپ بويىنشا ماتەريالدار راسىمدەلىپ، اكىمشىلىك جاۋاپكەرشىلىككە تارتىلدى.
ۇقساس جاڭالىقتار
