ءبىز استانانى سالىپ جاتىرمىز!
قازاقتىڭ جىگىتتەرى جالقاۋ دەپ قازاققا جانى قاس، ءدىلى مەن نيەتى بۇزىلعان، ەڭبەك ەتپەيتىن، پارا الاتىن، ارام تەرىن توكپەيتىن قاسكويلەر عانا ايتادى. قولىڭنان كەلسە جىگەر بەر، دۇرىس جول كورسەت، شاماڭ كەلسە كومەكتەس. سوندا كورەسىڭ قازاقتى بالاسىنىڭ پوتەنتسيالىن. قازاقتىڭ جىگىتتەرى جالقاۋ بولسا سەندەر ماقتاپ جاتاتىن استانا سالىنباي قالار ەدى.
مەن وزبەكتى دە، تاجىكتى دە، تۇرىكتى دە، ورىستى دا كوردىم. ەشقايسىسى قازاقتىڭ بولاسى ىستەگەن مىناۋ جۇمىستى جارىتىپ ىستەي المايدى. وعان ءوز كوزىممەن كورىپ، كەپىل بولعانمىن. بار بولعانى 4 جىگىتتىڭ جۇمىسىن وتكەن جىلى 15 تاجىك ىستەي المادى. شۇقىرلاپ جۇيكەنى توزدىرىپ جىبەرگەن.
ال، قازاقتىڭ جىگىتتەرى جالقاۋ ەمەس، تابيعاتى وتە مىقتى، وتە ءتوزىمدى. مىناۋ مونوليت دەگەن وڭاي جۇمىس ەمەس. جۇمىستىڭ ەڭ اۋىرى وسى. بەلىڭدى مايىستىرىپ جىبەرەدى. ءتۇرتىپ قالساڭ قۇلاپ قالاتىن اقساۋساقتار مىناۋ جۇمىستى ىستەمەك تۇگىلى، الىستان كورىپ قاشادى. قانشالىقتى اۋىرلىق كورىپ جۇرسە دە، وسى جىگىتتەر قىڭق دەمەيدى. نەبىر شويىن جۇدىرىق، قارا كۇشتىڭ يەلەرى بىزبەن جۇمىس ىستەدى. رۋحتارىندا قاسقىردىڭ رۋحى بار دا. بىرەن ساران ماقاۋلارعا بولا جىگىتتەردىڭ ءبارى جامان دەگەن ءسوز ەمەس.
مەن الدىڭعى ۇلكەن بۋىندى دا كوردىم. ال، مىناۋ جىگىتتەر تەگىس جاپ جاس جىگىتتەر. جاپىرىپ ىستەپ تاستاپ جاتىر. اناۋ دا جامان، مىناۋ دا جامان دەپ قىڭقىلداعاننان جاقسىسىن ورىس، نەمىس، كارىس، جاپون ساعان اكەلىپ بەرمەيدى. ودان دا وسى جىگىتتەردى باعالاپ، باعىت بەرەيىك.
قازاقتىڭ جىگىتتەرىن ەركەلەتپەڭىزدەر. اياماي قامشىلاڭىزدار، ءىسىن باعالاڭىزدار! اقىسىن جەمەڭىزدەر!
"ادىرنا" ۇلتتىق پورتالى
