Biz Astanany salyp jatyrmyz!
Qazaqtyń jigitteri jalqaý dep qazaqqa jany qas, dili men nıeti buzylǵan, eńbek etpeıtin, para alatyn, aram terin tókpeıtin qaskóıler ǵana aıtady. Qolyńnan kelse jiger ber, durys jol kórset, shamań kelse kómektes. Sonda kóresiń qazaqty balasynyń potenıalyn. Qazaqtyń jigitteri jalqaý bolsa sender maqtap jatatyn Astana salynbaı qalar edi.
Men ózbekti de, tájikti de, túrikti de, orysty da kórdim. Eshqaısysy qazaqtyń bolasy istegen mynaý jumysty jarytyp isteı almaıdy. Oǵan óz kózimmen kórip, kepil bolǵanmyn. Bar bolǵany 4 jigittiń jumysyn ótken jyly 15 tájik isteı almady. Shuqyrlap júıkeni tozdyryp jibergen.
Al, qazaqtyń jigitteri jalqaý emes, tabıǵaty óte myqty, óte tózimdi. Mynaý monolıt degen ońaı jumys emes. Jumystyń eń aýyry osy. Belińdi maıystyryp jiberedi. Túrtip qalsań qulap qalatyn aqsaýsaqtar mynaý jumysty istemek túgili, alystan kórip qashady. Qanshalyqty aýyrlyq kórip júrse de, osy jigitter qyńq demeıdi. Nebir shoıyn judyryq, qara kúshtiń ıeleri bizben jumys istedi. Rýhtarynda qasqyrdyń rýhy bar da. Biren saran maqaýlarǵa bola jigitterdiń bári jaman degen sóz emes.
Men aldyńǵy úlken býyndy da kórdim. Al, mynaý jigitter tegis jap jas jigitter. Japyryp istep tastap jatyr. Anaý da jaman, mynaý da jaman dep qyńqyldaǵannan jaqsysyn orys, nemis, káris, japon saǵan ákelip bermeıdi. Odan da osy jigitterdi baǵalap, baǵyt bereıik.
Qazaqtyń jigitterin erkeletpeńizder. Aıamaı qamshylańyzdar, isin baǵalańyzdar! Aqysyn jemeńizder!
"Adyrna" ulttyq portaly
