فوتو: Report
امەريكا قۇراما شتاتتارى ورتالىق ازيا ەلدەرىمەن قارىم-قاتىناستى دامىتۋعا ۇلكەن ءمان بەرەدى جانە ءوڭىر مەملەكەتتەرىمەن ىنتىماقتاستىقتى نىعايتۋدى كوزدەيدى. Report اگەنتتىگىنىڭ حابارلاۋىنشا، بۇل تۋرالى اقش مەملەكەتتىك حاتشىسى ءارى پرەزيدەنتتىڭ ۇلتتىق قاۋىپسىزدىك جونىندەگى كەڭەسشىسى ماركو رۋبيو وزبەكستانعا اتتانار الدىندا جۋرناليستەرمەن اڭگىمەلەسۋ بارىسىندا ايتتى، دەپ حابارلايدى “ادىرنا”.
«اڭگىمە تەك وزبەكستان تۋرالى عانا ەمەس، ورتالىق ازيانىڭ باسقا ءتورت ەلى تۋرالى دا بولىپ وتىر. بۇل – ماڭىزدى قارىم-قاتىناستار»، - دەپ اتاپ ءوتتى رۋبيو.
ونىڭ ايتۋىنشا، ىنتىماقتاستىقتى نىعايتۋ ءۇشىن ءوڭىر مەملەكەتتەرىمەن تىكەلەي بايلانىستاردى ساقتاپ وتىرۋ قاجەت. مەملەكەتتىك حاتشى الداعى ساپارىن ستراتەگيالىق ماڭىزى بار ساپار دەپ سيپاتتادى.
وزبەكستاندا رۋبيو C5+1 فورماتىنداعى سىرتقى ىستەر مينيسترلەرىنىڭ كەزدەسۋىنە قاتىسادى. سونداي-اق ورتالىق ازيا ەلدەرىنىڭ وكىلدەرىمەن ەكىجاقتى كەلىسسوزدەر جۇرگىزەدى.
2015 جىلدان بەرى جۇمىس ىستەپ كەلە جاتقان C5+1 فورماتى اقش پەن ورتالىق ازيانىڭ بەس مەملەكەتىن – قازاقستان، قىرعىزستان، تاجىكستان، تۇرىكمەنستان جانە وزبەكستاندى بىرىكتىرەدى.
اقش مەملەكەتتىك دەپارتامەنتىنىڭ مالىمەتىنشە، وزبەكستانعا امەريكالىق ءىرى بيزنەس وكىلدەرىنىڭ 200-دەن استامى دا بارادى.
ۆاشينگتون ولاردىڭ قاتىسۋى اقش پەن ورتالىق ازيا ەلدەرى اراسىنداعى ساۋدا بايلانىستارىن دامىتۋدىڭ جاڭا كەزەڭىنە جول اشادى دەپ ۇمىتتەنەدى.
