1 قاراشادا قازاقستاننىڭ 12 وڭىرىندە قولايسىز اۋا رايىنا بايلانىستى داۋىلدى ەسكەرتۋ جاريالاندى. بىرقاتار ايماقتا ۇسىك، تۇمان، كوكتايعاق پەن قار جاۋى ىقتيمال. سونىمەن قاتار ەلىمىزدىڭ كەي وڭىرلەرىندە ءورت قاۋپى جوعارى جانە توتەنشە دەڭگەيدە ساقتالادى. بۇل تۋرالى «قازگيدرومەت» جاريالادى، دەپ حابارلايدى “ادىرنا”.
الماتى وبلىسىندا تۇندە اۋا تەمپەراتۋراسى 1–6 گرادۋسقا دەيىن تومەندەپ، ۇسىك جۇرەدى دەپ بولجانۋدا. ءوڭىردىڭ باتىسىندا، وڭتۇستىگىندە، شىعىسىندا جانە ورتالىعىندا ءورت قاۋپى جوعارى بولادى. الماتى قالاسىندا دا وسىنداي قاۋىپ ساقتالادى. قوناەۆتا تۇندە 1–3 گرادۋس ۇسىك كۇتىلىپ، ءورت قاۋپى جوعارى دەڭگەيدە بولادى.
جەتىسۋ وبلىسىندا تۇندە جانە تاڭەرتەڭ ءوڭىردىڭ شىعىسى مەن تاۋلى اۋداندارىندا تۇمان تۇسەدى. وبلىس بويىنشا تۇنگى اۋا تەمپەراتۋراسى 3–8 گرادۋس ايازعا دەيىن تومەندەيدى. شىعىستا ءورت قاۋپى توتەنشە دەڭگەيگە جەتسە، وڭتۇستىك، باتىس جانە ورتالىق اۋدانداردا جوعارى دەڭگەيدە ساقتالادى. تالدىقورعاندا تۇندە 6–8 گرادۋس ۇسىك كۇتىلەدى. قالادا ءورت قاۋپى دە جوعارى بولادى.
جامبىل وبلىسىنىڭ تاۋلى ايماقتارىندا تۇمان تۇسەدى. سولتۇستىك-شىعىستان سوعاتىن جەلدىڭ ەكپىنى سەكۋندىنا 15–20 مەترگە دەيىن جەتۋى مۇمكىن. ءوڭىردىڭ سولتۇستىگى، وڭتۇستىگى مەن شىعىسىندا ءورت قاۋپى جوعارى دەڭگەيدە ساقتالادى.
اتىراۋ وبلىسىندا، سونىڭ ىشىندە وبلىس ورتالىعىندا ءورت قاۋپى توتەنشە دەڭگەيدە بولادى.
سولتۇستىك قازاقستان وبلىسىنىڭ باتىسىندا، سولتۇستىگىندە جانە وڭتۇستىگىندە تۇنگى جانە تاڭعى ۋاقىتتا تۇمان كۇتىلەدى. پەتروپاۆلدا دا وسى ۋاقىتتا تۇمان تۇسەدى.
باتىس قازاقستان وبلىسىنىڭ سولتۇستىك-باتىسىندا، باتىسىندا، وڭتۇستىگىندە جانە شىعىسىندا ءورت قاۋپى جوعارى دەڭگەيدە ساقتالادى.
شىعىس قازاقستان وبلىسىنىڭ سولتۇستىگى مەن شىعىسىندا، سونداي-اق تاۋلى اۋداندارىندا تۇندە جانە تاڭەرتەڭ ازداعان قار جاۋىپ، تۇمان تۇسەدى. كەي جەرلەردە كوكتايعاق بولۋى مۇمكىن.
تۇركىستان وبلىسىنىڭ تاۋلى اۋداندارىندا تۇندە جانە تاڭەرتەڭ تۇمان تۇسەدى. سولتۇستىك-شىعىستان سوعاتىن جەلدىڭ جىلدامدىعى سەكۋندىنا 15–20 مەترگە دەيىن كۇشەيەدى. ءوڭىردىڭ سولتۇستىگىندە، باتىسىندا، ورتالىعىندا جانە تاۋ بوكتەرىندەگى اۋدانداردا ءورت قاۋپى جوعارى بولادى. شىمكەنت پەن تۇركىستان قالالارىندا دا ءورت قاۋپى جوعارى دەڭگەيدە ساقتالادى.
قوستاناي وبلىسىنىڭ شىعىسى مەن وڭتۇستىگىندە تۇندە جانە تاڭەرتەڭ تۇمان تۇسەدى. ءوڭىردىڭ وڭتۇستىگىندە ءورت قاۋپى جوعارى دەڭگەيدە بولادى.
ۇلىتاۋ وبلىسىنىڭ باتىسى مەن ورتالىعىندا ءورت قاۋپى توتەنشە دەڭگەيگە جەتەدى. مۇنداي قاۋىپ جەزقازعان قالاسىندا دا كۇتىلەدى.
ماڭعىستاۋ وبلىسىندا ءورت قاۋپى جوعارى بولسا، ءوڭىردىڭ ورتالىق بولىگىندە توتەنشە دەڭگەيدە ساقتالادى. اقتاۋ قالاسىندا دا ءورت قاۋپى جوعارى بولادى.
قىزىلوردا وبلىسىنىڭ سولتۇستىگىندە تۇندە 3 گرادۋس ۇسىك جۇرەدى دەپ بولجانۋدا. ءوڭىر بويىنشا ءورت قاۋپى توتەنشە دەڭگەيدە، ال سولتۇستىگىندە جوعارى دەڭگەيدە ساقتالادى. قىزىلوردا قالاسىندا دا ءورت قاۋپى توتەنشە دەڭگەيدە بولادى.
