اتىراۋ وبلىسىندا موپەد جۇرگىزۋشىسى ءجاسوسپىرىمدى قاعىپ ءولتىردى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
اتىراۋ وبلىسى پوليتسيا دەپارتامەنتىنىڭ ءباسپاسوز قىزمەتى جول-كولىك وقيعاسىنىڭ 18 مامىردا تىركەلگەنىن حابارلادى.
جاياۋ جۇرگىنشىنى قاققان موپەد جۇرگىزۋشىسىنە ەكى اي بۇرىن ەسكەرتۋ دە جاسالعان.
ادام ولىمىنە سەبەپكەر بولعان جول-وقيعاسىن جاساعان موپەد جۇرگىزۋشىنىڭ ءجاسوسپىرىم ەكەنى انىقتالىپ وتىر. بيىلعى ناۋرىز ايىندا بۇل ءجاسوسپىرىمنىڭ وسىنداي قۇقىق بۇزعانى ءۇشىن زاڭدى وكىلىنە اكىمشىلىك حاتتاما تولتىرىلعان. الايدا، ءجاسوسپىرىم ەسكەرتۋگە قاراماستان موپەد جۇرگىزۋدى جالعاستىرعان.«كۇندىزگى ساعات 15:25 شاماسىندا يندەر اۋدانىنىڭ بودەنە اۋىلىندا موپەد كولىك قۇرالى جاياۋ جۇرگىنشىنى قاعىپ قۇلاتقان. جول-كولىك وقيعاسى سالدارىنان جاياۋ جۇرگىنشى يندەر اۋداندىق ورتالىق اۋرۋحاناسىنىڭ جانساقتاۋ بولىمىنە جەتكىزىلدى. بىراق، زارداپ شەككەن ءجاسوسپىرىم اۋرۋحانادا قايتىس بولدى»، - دەلىنگەن دەپارتامەنت ءباسپاسوز قىزمەتىنىڭ حابارلاماسىندا.
ۇقساس جاڭالىقتار
