يسپانيانىڭ تولەدو پروۆينتسياسىندا ەكى جولاۋشىلار پويىزىنىڭ سوقتىعىسۋىنان قازا تاپقاندار سانى 74 ادامعا جەتتى. تاعى ونداعان ادام جاراقات العان. بۇل تۋرالى EFE اگەنتتىگى جازدى، دەپ حابارلايدى “ادىرنا”.
قايعىلى وقيعا 28 قازان كۇنى كاستيليا-لا-مانچا اۆتونوميالىق بىرلەستىگىندەگى ۋردا ستانتسياسىنىڭ ماڭىندا بولعان. سوقتىعىسۋدان كەيىن بىرنەشە ۆاگون تەمىرجول جاعاسىنداعى ۇيىندىدەن قۇلاپ كەتكەن.
اپاتقا تەمىرجولداعى سيگنال بەرۋ جۇيەسىنىڭ اقاۋى سەبەپ بولۋى مۇمكىن. يسپانيانىڭ كولىك ءمينيسترى وسكار پۋەنتەنىڭ مالىمەتىنشە، جۇيە باستاپقىدا پويىزدارعا توقتاۋ تۋرالى بەلگى بەرگەن. الايدا ءبىراز ۋاقىتتان كەيىن پويىزداردىڭ بىرىنە قوزعالىستى قايتا باستاۋ جونىندە قاتە سيگنال جىبەرىلگەن.
وقيعادان كەيىن يسپانيا پرەمەر-ءمينيسترى پەدرو سانچەس قايعىلى جاعدايعا بايلانىستى ەلدە ءۇش كۇندىك ۇلتتىق ازا تۇتۋ جاريالادى.
