قازاقستان 2026 جىلدىڭ قىركۇيەگىنەن باستاپ رەسەيدىڭ لەنينگراد وبلىسىنداعى ۋست-لۋگا تەڭىز پورتى ارقىلى مۇناي جونەلتۋدى توقتاتتى، دەپ حابارلايدى “ادىرنا”.
بۇعان ترانزيتتىك قۇبىر ينفراقۇرىلىمىنداعى تەحنيكالىق شەكتەۋلەر سەبەپ بولعان.
ەنەرگەتيكا مينيسترلىگىنىڭ ايتۋىنشا، ەكسپورتتى توقتاتۋ باسقا جاعدايلارعا بايلانىستى ەمەس. بۇعان دەيىن قول جەتكىزىلگەن كەلىسىمدەر مەن ينديكاتيۆتىك بالانستار وزگەرىسسىز ساقتالادى.
مينيسترلىك وكىلىنىڭ سوزىنشە، قازاقستان مۇنايىنىڭ جوسپارلانعان ەكسپورت كولەمى قولدانىستاعى وزگە باعىتتار ارقىلى جونەلتىلىپ جاتىر. سونداي-اق جۇك جونەلتۋشىلەر الدىنداعى مىندەتتەمەلەر تولىق ورىندالۋدا.
ول 11 قاراشاعا قاراعان ءتۇنى ۋست-لۋگا پورتىنىڭ نىساندارىنا ۇشقىشسىز ۇشۋ اپپاراتىمەن جاسالعان شابۋىل مۇناي تاسىمالى مەن ەكسپورتىنا اسەر ەتپەگەنىن اتاپ ءوتتى.
«قازترانسويل» ۇلتتىق وپەراتورىنىڭ مالىمەتىنشە، 2026 جىلدىڭ قاڭتار-قازان ايلارى ارالىعىندا قازاقستاننان ۋست-لۋگا باعىتىنا 1 ميلليون 958 مىڭ توننا مۇناي جونەلتىلگەن
