فوتو: Anna Moneymaker / Getty Images
ارمەنيا پرەمەر-ءمينيسترى نيكول پاشينيان جاڭا كونستيتۋتسيا جوباسى بويىنشا رەفەرەندۋم وتكىزۋدى ۇسىندى، دەپ حابارلايدى “ادىرنا”.
سونداي-اق، ونىڭ ناتيجەسىنە قاراي ساياسي شەشىم قابىلداۋعا دايىن ەكەنىن ايتتى.
پاشينياننىڭ مالىمدەمەسى 19 قاراشا باق بەتتەرىندە تارالى. ول پارلامەنتتىك وپپوزيتسياعا رەفەرەندۋم وتكىزۋ جونىندە ۇسىنىس جاساعان. ونىڭ سوزىنشە، ەگەر حالىق جاڭا كونستيتۋتسيانى قولداماسا، ول پرەمەر-مينيستر قىزمەتىنەن كەتەدى. ال ازاماتتار قۇجاتتى ماقۇلداعان جاعدايدا، كەلەسى پارلامەنتتىك سايلاۋدا ۇكىمەت باسشىسى لاۋازىمىنا كانديداتۋراسىن ۇسىنبايدى.
پرەمەر-ءمينيستردىڭ ايتۋىنشا، جاڭا كونستيتۋتسيا جوباسى كەلەسى اپتادا قوعامدىق تالقىلاۋعا شىعارىلادى. قۇجاتقا وزگەرىستەر ەنگىزىلگەنىمەن، ول «شىنايى ارمەنيا» يدەولوگياسىنىڭ نەگىزگى ۇستانىمدارىنا قايشى كەلمەۋگە ءتيىس.
بۇعان دەيىن نيكول پاشينيان جاڭا كونستيتۋتسيانى قولدامايتىن وپپوزيتسياعا قوعام تاراپىنان قىسىم جاسالۋى مۇمكىن ەكەنىن ايتقان ەدى. سونداي-اق وپپوزيتسيامەن ورتاق كەلىسىمگە قول جەتكىزىلمەگەن جاعدايدا كەزەكتەن تىس پارلامەنت سايلاۋىن وتكىزۋ مۇمكىندىگىن قاراستىراتىنىن مالىمدەگەن بولاتىن.
زاڭ قابىلداپ، ءتىلدى ءبىلۋى مىندەتتى قىزمەتتەر ءتىزىمىن جاسامايىنشا، بۇل اربانىڭ دوڭگەلەگى قيسايىپ تۇرا بەرەدى...
جوعارى بەلسەندىلىك پەن ءمىنسىز ۇيىمداستىرۋ: باقىلاۋشىلار رەسپۋبليكالىق رەفەرەندۋم تۋرالى پىكىر ءبىلدىردى
