الماتى قالاسى الاتاۋ اۋدانىندا قازاقستان حالقى تىلدەرى كۇنى ءوتتى.

2121
Adyrna.kz Telegram

الماتىدا قازاقستان حالقى تىلدەرى كۇنىنە وراي ء"تىل - تاتۋلىق تىرەگى" اتتى بايقاۋ جانە فلەشموب ءوتتى. بۇل شارا قازاقستان رەسپۋبليكاسى بويىنشا تۇڭعىش رەت جەرگىلىكتى اسكەري باسقارۋ ورگاندارىن باسقارعان ايەل-اسكەري قىزمەتشى الاتاۋ اۋدانىنىڭ قورعانىس ىستەرى جونىندەگى باسقارماسىنىڭ باستىعى پولكوۆنيك گاۋحار سىرلىباەۆا ۇيىمداستىردى. ول قازىرگى تاڭدا ەلباسى ن.نازارباەۆتىڭ ۇشتۇعىرلى ءتىل ساياساتىن قولدايتىنىن، اسىرەسە مەملەكەتتىك ءتىلدىڭ ورنى ەرەكشە ەكەنىن اتاپ ءوتتى. قازىرگى تاڭدا اسكەري قىزمەتشىلەر مەملەكەتتىك ءتىلدى ەركىن مەڭگەرىپ، تاۋەلسىز ەلىمىزدىڭ نىعايۋىنا ءوز ۇلەستەرىن قوسۋدا دەدى. الاتاۋ اۋدانىنىڭ قورعانىس ىستەرى جونىندەگى باسقارماسىنىڭ اسكەري قىزمەتشىلەرى بايقاۋ بارىسىندا وزدەرىنىڭ بار ونەرىن سالىپ، تاتار، ورىس، ءۇندى، ۇيعىر ۇلتتارىنىڭ ولەڭدەرىن وقىپ، بيلەرىن بيلەدى. وزگە ۇلت وكىلدەرىنىڭ سالت-ءداستۇرىن كورسەتتى. سونىمەن قاتار وزگە ۇلت وكىلدەرى اباي قۇنانباەۆ پەن شاكارىم قۇدايبەردىۇلىنىڭ، مۇقاعالي ماقاتاەۆتىڭ ولەڭدەرىن وقىدى. بايقاۋعا الماتى قالاسى الاتاۋ اۋدانىنىڭ قورعانىس ىستەرى جونىندەگى باسقارماسىنىڭ جەكە قۇرامى قاتىستى. بايقاۋدىڭ نەگىزى ماقساتى - قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ، قازاق ءتىلىنىڭ قولدانىلۋىن دامىتۋ، مەملەكەتتىك ءتىل ساياساتىن ناسيحاتتاۋ، قازاق تىلىندە سويلەۋ مادەنيەتىن قالىپتاستىرۋ، شەشەندىك قابىلەتىن دامىتۋ، مەملەكەتتىك تىلدە جۇمىس ىستەيتىن اسكەري قىزمەتشىلەردى كوتەرمەلەۋ.
بايقاۋ سوڭىندا جەڭىمپازدار انىقتالىپ، ولار باعالى سىيلىقتار مەن العىس حاتتارمەن ماراپاتتالدى. مەملەكەتتىك تىلگە دەگەن قۇرمەت ءوز جالعاسىن تابا بەرمەك.

قارلىعاش مۇسابەكقىزى

پىكىرلەر