Almatyda Qazaqstan halqy tılderı künıne orai "Tıl - tatulyq tıregı" atty baiqau jäne fleşmob öttı. Būl şara Qazaqstan Respublikasy boiynşa tūŋǧyş ret jergılıktı äskeri basqaru organdaryn basqarǧan äiel-äskeri qyzmetşı Alatau audanynyŋ qorǧanys ısterı jönındegı basqarmasynyŋ bastyǧy polkovnik Gauhar Syrlybaeva ūiymdastyrdy. Ol qazırgı taŋda elbasy N.Nazarbaevtyŋ üştūǧyrly tıl saiasatyn qoldaitynyn, äsırese memlekettık tıldıŋ orny erekşe ekenın atap öttı. Qazırgı taŋda äskeri qyzmetşıler memlekettık tıldı erkın meŋgerıp, täuelsız elımızdıŋ nyǧaiuyna öz ülesterın qosuda dedı. Alatau audanynyŋ qorǧanys ısterı jönındegı basqarmasynyŋ äskeri qyzmetşılerı baiqau barysynda özderınıŋ bar önerın salyp, tatar, orys, ündı, ūiǧyr ūlttarynyŋ öleŋderın oqyp, bilerın biledı. Özge ūlt ökılderınıŋ salt-dästürın körsettı. Sonymen qatar özge ūlt ökılderı Abai Qūnanbaev pen Şäkärım Qūdaiberdıūlynyŋ, Mūqaǧali Maqataevtyŋ öleŋderın oqydy. Baiqauǧa Almaty qalasy Alatau audanynyŋ qorǧanys ısterı jönındegı basqarmasynyŋ jeke qūramy qatysty. Baiqaudyŋ negızı maqsaty - Qazaqstan Respublikasynda tılderdı damytu men qoldanudyŋ 2011-2020 jyldarǧa arnalǧan memlekettık baǧdarlamasyn ıske asyru, qazaq tılınıŋ qoldanyluyn damytu, memlekettık tıl saiasatyn nasihattau, qazaq tılınde söileu mädenietın qalyptastyru, şeşendık qabıletın damytu, memlekettık tılde jūmys ısteitın äskeri qyzmetşılerdı kötermeleu.
Baiqau soŋynda jeŋımpazdar anyqtalyp, olar baǧaly syilyqtar men alǧys hattarmen marapattaldy. Memlekettık tılge degen qūrmet öz jalǧasyn taba bermek.
Qarlyǧaş Mūsabekqyzy
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz