الماتى وبلىسىنىڭ پوليتسياسى ۆەلوسيپەدتەگى زەينەتكەردى قاعىپ كەتكەن جۇرگىزۋشىنى ۇستادى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
21 تامىزدا ساعات 19:36 شاماسىندا جامبىل اۋداندىق پب-عا تاران اۋىلىنا كىرە بەرىستە بەلگىسىز كولىك ۆەلوسيپەدشىنى باسىپ، وقيعا ورنىنان قاشىپ كەتكەنى تۋرالى حابارلاما كەلىپ ءتۇستى. جول اپاتى سالدارىنان 81 جاستاعى ەر ادام جامبىل اۋدانىنىڭ ورتالىق اۋداندىق اۋرۋحاناسىنا جەتكىزىلدى. كەيىن الەۋمەتتىك جەلىلەردە جول-كولىك وقيعاسى بولعان جەردەن كادرلار تارادى.
ىزدەستىرۋ ءىس-شارالارى بارىسىندا پوليتسيا قىزمەتكەرلەرى زاز Chance اۆتوكولىگىن باسقارعان قاراساي اۋدانىنىڭ 61 جاستاعى تۇرعىنىن انىقتادى.
قۇقىق بۇزۋشىعا قاتىستى قر اقبتك-ءنىڭ 610-بابىنىڭ 2-بولىگى (كولiك قۇرالدارى جۇرگiزۋشiلەرىنiڭ جول ءجۇرىسى قاعيدالارىن ادامداردىڭ دەنساۋلىعىنا زيان كەلتiرۋگە، كولiك قۇرالدارىنىڭ نەمەسە وزگە دە مۇلiكتiڭ بۇلىنۋىنە الىپ كەلگەن بۇزۋشىلىعى), 611-بابىنىڭ 2-بولىگى (جكو ورنىن قالدىرۋ) جانە 608-بابىنىڭ 3-بولىگى (جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) بويىنشا اكىمشىلىك ءىس قوزعالدى.
قازىرگى ۋاقىتتا ۇستالعان ازامات قاماۋعا الىندى. اۆتوكولىك ايىپ تۇراعىنا قويىلدى.
بەينەجازبانى قاراۋ ءۇشىن سىلتەمەنى باسىڭىز.
